[A:438]gling chos rje'i rgyal srid bzung / /bka' drin mtshungs med rje btsun dgon gsar pa'i/ /ye shes dag pa'i rang zhal mngon sum bstan/ /shing sbrul lo dbyar gyi nam zla shin tu gnyan pa'i dus rmang lam du 'a zha gsang bdag nam mkha' rdo rje ral gu dang sku gzan smug po bzhes pa phyag g.yon par rag 'phreng sdigs mdzub dang bcas pa'i stang stabs kyis lho nub kyi phyogs bsrung ba zhig byung 'dug pa/ bka' las/ 'di yang nged rang gi dogs pa yod pa'i phyogs kyi bar chad dang / ser ba 'chor ba'i nyen kham can yod 'dug pa bsrung ba mdzad pa 'dra zhes pa 'khor rnams la stsal/ skabs shig mnal lam du A tsarYa mdog sngo bsang nge ba zhig dang lhan cig par rgyal po chen po rnam thos sras ser chen gyi sku shing la bris pa lta bu'i snum bag can gsal bar gzigs gsung ba don du rgyal chen 'di nyid shin tu 'go bas zhal gzigs par mngon/ bkra shis rtse mchod yon nas gdan 'dren byung ba ltar yar klungs su phebs te phyogs de'i skye rgu rnams bsdu ba'i dngos po bzhi'i sgo nas gang la gang 'tsham gyis re ba bkang / bu ston rin po che'i rnam thar snyim pa'i me tog las/ nga chos bshad pa'i slob dpon yin mod byas na dam tshig la nor la ma 'cham pa'i bar mi bzhin spo bgos gtong / rang gi blo dang mi mthun na bla ma yin kyang khyi smyon 'ded pa'i dmag mi ltar rdo char byed/ ces pa'i don thog tu babs te zha lu ba rtsing por spyod pa 'ga'i kha dbang du song nas skor long tsam yang med par bla ma dka' bzhi pa brgyud gzhis ka rtser zhus pa'i dpon chen rgyal mtshan bzang po ri phug dbu mdzad du btsan bskos gnang ba'i ma mdzes