[A:446]tu mgon rkyang gi rjes gnang sogs mdzad pa'i bla ma zhang ston yan chad kyi srung mar ma zad brtse chen snying po'i zhabs nas bzung bka' babs bzhi ldan du bzhugs pa'i chos skyong gi gtso bo yin gshis bgegs rigs kyi tshogs rnams phye mar 'thag pa'i slad du cung zad tsam yang mi 'bral bar mngon/ 'jigs mdzad rdo rje'i rnal 'byor lhur bzhes pa'i shugs kyis 'chi bdag ma he'i zhal can bka' bzhin sgrub par zhal gyis 'ches slad sku'i snang ba mngon sum du bstan pa ni/ rje tshar chen gyi gsung mgur las/ dpal ma he'i zhal can gshin rje'i gshed/ /chos srung ba'i gtso bor gur zhal gnyis/ /de rim bzhin bsgrubs la bstan pa srungs/ /zhes pa'i don dang mtshungs par snang zhing / nyin gcig mnal rib be ma zhig la rje nyid slob dpon chen po padma'i sku'i rnam par nyams khyad par can shar ba 'dis mtshon bla ma yi dam mkha' 'gro srung ma'i zhal gzigs dang gsung gi snang ba stsal ba mtha' yas pa yod tshod du mchis na'ang thugs dkyel che bas bsnyel ba'i brdzur brten no/ /sa bya hor zla gsum pa'i tshes bcu dgur gtsang la chibs kha bsgyur rgyu'i tho rengs gzhan gyis bsam sbyor ngan pa'i byad rbod la brten/ thog 'khyug 'byung bar nye ba'i glog 'brug sogs shin tu 'jigs pa'i sgra 'od gsal du byung ba'i tshe rje nyid badzra bhai ra ba'i sku shin tu che zhing gzi byin dang ldan pa me dpung 'bar ba'i dbus na bzhugs pa'i rnam par gyur pa dang chabs cig par mi mthun pa'i phyogs de dag 'phral du zhi ba'i mod la mnal sad do/ /gsang bdag 'a zha'i mthu stobs thor rlung gis/ /log 'dren sbyor ba'i chu 'dzin pha mthar bskrad/ /yang