[A:448]rang bstan 'chad nyan yid bzhin rgyal mtshan rtser/ /bkod la yongs 'dzin tshogs kyis legs so byin/ /mi'u thung rdo rje srin po'i zhal sgo las/ /lugs 'di srid mthar mi nub g.yar dam bcas/ /rin chen 'byung gnas khrod du na kra bzhin/ /mkhas grub bye ba'i bsti gnas zha lu nas/ /zhing dkyil pha bong lta bur bstan 'dzin 'ga'/ /dbyung ba'i ngan spyod de la mchi ma bku/ /'jam dpal ches cher khros pas 'byung po'i 'tshub/ /thal ba'i rdul du brlag la ya mtshan ci/ /shin tu zhi dul padma ka ra'i skus/ /brlang spyod bdud sde ming gi lhag gyur mtshar/ /rim gyis rong brgyud khu lung du phebs nas zab bu lung du thegs pa'i sta gon gyi tshe sder ma tsam gyi rgya khyon gyi 'od lnga'i gur khang nang du ayon rin po che sku chu zheng gab pa zhig dang nub gsum gyi bar rdo rje 'chang blo gsal rgya mtsho phebs te dgyes pa'i tshul shin tu gsal ba nyams dang mnal lam ci rigs pa byung / 'o yug brgyud byon pa'i dus phyogs de'i yul lha gzhi bdag gter srung sogs dga' ba'i rnam 'gyur gyi bsu ba la 'ongs pa'i nyams ltas ngo mtshar ba'i ngang nas gnas su phebs/ thugs rje chen po 'khor ba dong sprugs kyi sku 'dra rang byon la mthong snang mang du byung gsung pa spyan ras gzigs mngon sum du gzigs shing / des sku mdog rigs lnga mtshon pa'i kha dog sna tshogs su shar ba 'dra/ zhal ras lha khang du bla ma bka' 'dus kyi sgrub pa zhag bdun gnang ba'i nub dang po la paNDi ta dmar smug paN zhwa can phyag g.yas rdo rje g.yon ka pA la bdud rtsis gang ba bsnams pa zhig byung ba ni ayon bla mas byin gyis brlabs pa'i