[A:449]rtags dang thams cad mkhyen pa sku dngos lta bus shA sa na'i sngags 'ur 'don gyi ngang nas rakSha'i phyag 'phreng bzung ste sdigs mdzub kyi stang ka mdzad pa ni nyin phyi ma'i 'tshub de bzlog thabs la dgongs par snang / zhag gnyis song ba'i tshe pha rol gyi bsam sbyor ngan pa'i byad rbod la brten thog 'khyug 'byung bar nye ba'i gnam ngo shin tu 'jigs pa lha sngags ye shes kyi nus pas rim gyis je 'jom du song / bcom ldan 'das mgon po tshe dang ye shes dpag tu med pas byin gyis brlabs pa'i gzigs snang yang shar/ gter lung bcu gsum sogs gnas rnams thams cad 'jal ba dang bcas bzhugs zhag bco lnga song bar chu rlung gis mtshon pa'i sgra mtha' dag badzra gu ru'i 'dzab sgrar lhang lhang sgrog pa gsan zhing gzugs snang kun zhi khro rab 'byams kyi lha tshogs su shar cing bde bar gshegs pa'i sku brnyan gyi zhal la me tog mang po shar ba sogs la spro ba dang / gzigs snang khyad par can gyi bla ma dang gnas la dad gdung phan tshun 'gran bzhin pa'i ngang nas mkhas grub chen po khyung po du gu ba'i dben gnas zhong zhong du phebs nas gnas rten rnams zhib par gzigs/ ye shes mgon po'i las mkhan gnod sbyin kSha tra pA la sku'i dbyigs dang cha lugs yongs grags la phyag g.yas kyis thod pa'i cang te'u 'khrol ba'i sgra lhang lhang sgrog pa gsan pa 'di dpal shangs pa bka' brgyud kyi bstan pa rang tshugs thub pa'i 'bur dod ni rim gyis 'grib/ chos rgyun yang blos byas rang bzo'i 'chal 'chol dang bklag lung dam dum gyis gzhan snang 'brid pa'i