[A:457]ri spog gsum yod 'dug pa dang po bdud kyi gtso bo legs ldan gur gyi mgon po yin pas mgon po'i bka' chad byung bar gleng / gtsang dpung yang g.yas ru byang phyogs kyi bde gzar rtsa ba ma chod pas 'gor gzhi che zhing drung pa rgyal tshab pas bshol ba ma gtogs yar stod sde pa khri bas lhun po sgang bsgyur nas dag por 'bros rtsis mdzad pa sogs sku rab pa phyogs gtogs dmigs pa med pa'i dbyings su rgyas 'debs par nye ba'i grul drag pa'i skabs sde pa ma chen grongs pa tsam las bkra shis rtse'i sde dgon dbyings la 'pho 'gyur sogs nyes skyon cher mi 'byung ba dam pa 'di'i gzi byin dang thugs rje kho na'o/ /lo snga rting tshor 'brum nag mched drags pa'i khyab bdag sman lung pa blo mchog rdo rje sku 'brum ma thar bar rje 'di nyid kyis srung ba dang byin rlabs gnang zhing o lo rang skyon mi yong zhes zhal gyis bzhes/ de rjes tsher ma can gyi nad kha yar byung ba yang thugs 'dzem cher ma thub cing / lhag par me byi lo shel brag tu 'brum yol mdzad dus sre'u sdong rtse nas lo gsar 'phros gtam la 'phral du gdan 'dren gyi sku dbang bed spyod lta bu byung skabs phebs lam du thor bas shi ba'i phung po dang 'dzom pas thugs ya nga ba byung bar phyis su kho bo tsher ma can gyi nad ma 'gos pa'i ngang du song ba bla ma dam pa de nyid kyi byin rlabs zhugs pa'i bka' drin yin yang yang gsung / chos kyi rgyal po dpal bkra shis stobs rgyal gyi thugs sras rig 'dzin ngag gi dbang po zhes sna nam rdo rje bdud 'joms kyi sprul pa'i zlos gar de nyid rgyal khams phyogs med kyi gdul bya'i re ba