[A:394]la gsol ba 'debs/ /he ru kaHdpal dgyes pa'i gar mdzad kyang / /tshul khrims rgyan gyis mdzes pa'i dge slong ma/ /mkha' 'gro'i gtso mo shI la bha dra'i zhabs/ /'brel tshad don ldan khyod la gsol ba 'debs/ /sngon gyi legs byas dge ba'i 'bras bu las/ /bla ma lha dang srung mas rjes bzung nas/ /'jam mgon mkhyen brtse'i 'phrin las skyong ba'i dpal/ /dbang phyug rab brtan zhabs la gsol ba 'debs/ /zhes pa ltar 'phags pa'i yul du grub thob brgyad cu rtsa bzhi'i nang tshan rnal 'byor dbang phyug ku ku ri pa/ rgyal dbang padma thod 'phreng gangs ri'i ljongs 'dir phebs pa'i tshe nye bar gnas pa'i dge slong / dpyal ston chen po kun mkhyen shes rab rgyal mtshan/ ayon chen po'i lung gis zin cing dpal zha lu gser bkang gi khri thog tu byon pa'i 'khrul zhig tshul khrims rgyal mtshan/ ye shes mkha' 'gro'i gtso mo rgyal yum tshul khrims bzang mo sogs bstan 'gro'i mgon dang gling du gyur pa rim par byon pa'i yang srid du rje bla ma dam pa 'di nyid phebs tshul ni/ ma pham pas/ rigs dang rus dang cho 'brang dang / /zhes cho rigs khungs btsun pa gsungs pa dang phyogs mtshungs par 'o skol gyi ston pa bu ram shing pas gzigs pa rnam pa lnga'i nang gses rigs phun sum tshogs pa rgyal rigs la dgongs nas 'phags pa'i yul gyi sa'i dbang phyug 'gran zla dang bral ba zas gtsang ma'i sras su bltams pa'i sngon byung gi rnam thar dang rjes 'jug gi nyams len 'dra bar/ spyir ri kha ba can gyi 'gro ba rnams rgya gar gyi rgyal po rU pa ti dpung bcas g.yul pham ste bud med kyi