[A:393]brtan bstan pa'i rgyal mtshan dpal bzang po'i rnam par thar pa mdo tsam brjod pa la/ mngon rtogs rgyan las/ sems can kun yid shes pa dang / /mngon par shes pas brtse ba dang / /sangs rgyas zhing bzang sgrub pa dang / /yongs su brtag phyir sangs rgyas bsten/ /dbang po shes dang rgyal ba yi/ /zhing sbyong sgyu ma ltar gnas dang / /bsams bzhin srid pa len pa dang / /las ni rnam pa 'di brgyad bshad/ /ces pa ltar 'phags chen dam pa rnams ni bsams bzhin srid par skye ba blangs nas 'gro ba'i don la me tog gi tshal du bung ba dang ngang pa dngas pa'i rdzing bur 'jug pa dang mtshungs par ngan song gi gnas kyang mtho ris kyi dga' tshal ltar spro ba lhur len par mdzad pas ri dwags dang 'dab chag sogs skye ba sna tshogs su sprul pa'i mtha' brjod par ga la nus na'ang bstan pa'i gsal byed kyi sgron me sbar bar nus pa'i skyes bu mchog gi tshul 'ga' zhig brjod na/ rje nyid kyi gsung las/ rgyal ba'i mkhyen brtse gcig bsdus 'jam pa'i dbyangs/ dbang phyug brgyad ldan rdo rje 'dzin pa'i sku/ /sku drin mnyam med rtsa brgyud bla ma yis/ /lung bstan rjes su bzung la gsol ba 'debs/ /sngon tshe 'phags yul grub dbang ku ku ri/ /kha ba'i ljongs 'dir rgyal ba kun gyi dngos/ /ayon drung na 'khor gyi dge slong gis/ /bstan dang 'gro kun skyong la gsol ba 'debs/ /de ltar legs byas skye ba du ma'i mthar/ /dpyal ston kun mkhyen shes rab rgyal mtshan dpal/ /padmas lung bstan 'khrul zhig rin po che/ /tshul khrims rgyal mtshan zhabs