[A:465]myur du bla na med pa'i byang chub thob pa'i myong grol skye ba bdun pa'i dam rdzas kyis 'gro ba mtha' dag gi don rgya cher mdzad cing yang 'ug gnyis kyis gtsos pa'i gzhis rtse skor gyi sngags pa/ sgyi lung yab sras kyis dbus pa'i zha lu tshong 'dus kyi sngags pa/ rje dbon bka' 'gyur ba dang khyab bdag zha lu pa sogs don gnyer can mang por bka' brgyad bde 'dus kyi sgrub dbang gnang / ngor du tshigs phyi ma gsan te/ zha lur drung du phebs rdo rje 'chang sde pa khri khang pa'i dbon sa gdon drag shul can gyis gtses te mi 'tsho bar thug pa sman pa dang sngags pa nus pa can gyis bor zhing / sman pas da dung bla ma byin rlabs can 'dra gdan 'dren thub na bde ba'ang srid/ ces gleng ba ltar rje 'di nyid spyan drangs/ rta mgrin skyer sgang lugs kyi byin rlabs gnang ba'i mod la nad las grol bas phyogs lhung drag po'i gdon gyis zin pa rnams kyang ya mtshan du 'dzin to/ rin lding gi slob dpon du mkhan chen zha lu pa 'byon gdong gdan bzos gnang byin bkra shis phyag nas rgyas par gnang ba'i gsham du/ bltas pa tsam gyis khams gsum dbang du sdud/ /ces sogs gsungs nas mjug tu rnying ma zhig byung song ngo ang gsung / rin lding nas rje zha lu pas mjal bar phebs par rig 'dzin chen po'i bka' 'dus dang drag po dbu dgu'i dbang gnang / ngor nas rin po che sgrub khang nas mjal bar phebs te bka' chos dang gsung gleng 'phel bar byung / pha rgod rdo rje 'chang dgon gsar pa'i dgongs bstad kyi phebs sgo ltar gtsang sde srid kyi bka' shog /sde pa 'dar