[A:472]gtogs phal cher bdag chen rdo rje 'chang yan chad gdung brgyud rim par chig brgyud lta bu'i tshul du byon pa yin na'ang sa lo thams cad mkhyen pa dang sngags 'chang kun dga' bsam grub sku mched kyi dus thor bu las ma gsan cing bdag chen kun rin pa dbus su phebs dus 'phan yul dpal ldan rtser rje btsun bod mkhar ba chen po dang mjal skabs nged kyis bdag chen zhal snga nas las brgyud pa'i chos rnams rin po che tshar par zhu dgos rgyu yin kyang mi ngan gyis dkrugs nas ma byung da cha khyod kyis bsod nams dbang po spun la 'phrod pa byed dgos pa'i gsung 'phros la gzhigs na sku tshe'i mjug la thugs 'gyod byi la shor ba'i skar khungs 'dra mo byung tshod du 'dug /'jam dbyangs bsod nams dbang pos yar klungs bkra shis chos sder mkhan rin po che gzhon nu blo gros la mgon chen gyi phyi 'khrid nang 'khrid sogs kha yar gsan rung chos bka' mtha' dag ma rdzogs pas dpal ldan sa skya pa'i lcags ri mi 'da' ba'i gser chos rnams sngar nang nas phyir mi 'da' ba la ding sang phyi nas nang la mi 'da' zhes gleng ba byung mod sngags 'chang bla ma sems dpa' chen po ngag dbang kun dga' bsod nams de nyid bar skabs kyi zhal ngo rnams dang mi 'dra bar bstan pa rin po che gces par 'dzin pa'i lhag bsam gyi mthu phul du byung bar brten lo pa spyan snga rin po che kun dga' don grub la tshar lugs kyi chos skor rags rim tsam gsan na'ang cung zad thugs kha ma gang bas rje bla ma 'di nyid gdan 'dren pa'i bca' gzhi shar ba bdag po kun rin pa sku na phra dus tshar chen gyis chos 'brel