[A:471]mngal lhungs dang / /lhan cig slob bshad bcud kyi dga' ston rgyas/ /rang rang las 'chir rloms pa'i gro sogs mdas/ /srog rtsa 'gags nus min kyang stes dbang gis/ /mig 'bras bcar ba skyob phyir dgon gsar pas/ /gzhom med 'khor lor chug ces ched du gdams/ /mtho ris dbang chu slob bshad ral klung nas/ /rnam dpyod skal ldan shing rtas nyer drangs kyang / /mkhas grub drang srong phal gyi phyir skyugs pa/ /shong snod zla ba'i ma ma gsar pa mtshar/ /rgyal tshab dbon rin po cher myug nas 'pho 'phyugs skabs rtse gdong du bcol/ de nas ri phug tu drangs slar 'dar du gdan drangs pa'i lam 'bras brgyud pa'i kha skong / kha'u brag rdzong pa'i brgyud pa na rim gyi sku thang sogs bzhengs nas lam 'bras lha khang bsgrig pa'i bslab ston stsal ba ltar legs par grub pa des lcags yos me shor byung skabs kyang ma tshig pa'i byin rlabs can du grags/ gzhan yang snga phyi 'di dag tu rje 'di nyid dang glang phu chos rjer zab chos mang du gnang ba ni tshar chen gyi gsung mgur du/ da kun spangs chos rje'i bu brgyud la/ /chos zab mo gdams pa'i snyan grags yod/ /de thob 'dod kyi tshab tshub mang na yang / /thob nges kyi snod ldan re re tsam/ /zhes pa ltar rjes 'brangs kyi slob ma grangs mang na'ang gdams pa yongs su rdzogs pa nyung bar mchis/ sa skya'i rje btsun gong ma rnams kyi snyan nas snyan zhal nas zhal du brgyud pa'i zab chos do ba ston tshul/ rgyal tsha lung mang po dbon bcas/ dam pa kun dga' grags/ zhang ston khu dbon tsam ma