[A:475]las byung ba yin yang dag pas shin tu ngo mtshar zhing rjes su yi rang ba'i gnas so/ /zhes gzengs bstod pa'i gsung gi bdud rtsis kyang kho bo cag gi yid la dga' bde'i dpal ci yang zhig thob par mdzad pa yin la/ zhes gsal bar gsungs pas shes nus/ gdan sa dngos gzhi dang kha'u bsam brling sogs kyi lha khang mgon khang rnams mjal bar snang ba'i dus bstan pa rgyas pa'i smon lam dang rdo rje chos srung gi tshogs la bka' bsgo gnyer bcol rgyas par mdzad/ shing glang zhabs drung dbon rin po che bkra shis rtser rgyud sde bzhi dang 'brel ba'i dkyil 'khor sgrub mchod nyer gnyis sogs 'dzugs pas mtshon dbus phyogs su bstan dang 'gro ba'i legs tshogs spel bar 'dar nas rdzong bda' gnang ba bzhin 'khor lo gsum gyi mdzad pas gdul bya rnams smin grol gyi lam la bkod nas me yos lo mjug 'dar du phebs/ bka' chos sogs gsan/ sa sbrul lor rgyal tshab dam pa dbon rin po che/ khyab bdag zha lu pa sogs la dpal dus kyi 'khor lo'i bdag po chen po'i bar gyi dbang rdzogs par gnang ba'i nub gzigs snang du byang gling 'jam pa'i dbyangs bkra shis rgyal mtshan shin tu dgyes par mdzad pa ni rang nyid kyi rnam par sprul pa la chos bdag po'i tshul du 'phrod pas dang po'i sangs rgyas kyi smin grol srid mthar 'phel ba la dgongs sam snyam/ khu dbon gnyis chabs cig par nub zangs mdzod dmar po nas byon pa'i 'jig rten dbang phyug 'gro ba kun sgrol gyi sgrub chen la brten nas 'gro don las sbyor lnga pa'i skye bdun ril bu sgrub pa gnang ba'i tshe nyin