[A:477]gnang zhing khrol/ de nas lo kha shas kyi bar ngor shar pa'ang gdan sar ma 'khod pas mkhan med du lus snang / khyab bdag zha lu pa chen po ri phug dbu mdzad thog nas lcags lug grang mo cher mjal bar phebs pas rdo rje 'chang gi bka' las/ bla brang tshom chen du khyab bdag zha lu par da ni rin po che rang ri phug gi gra ba kha ya kog po ma gi tsho'i dkyil du ma bzhugs par 'dir thugs dam mdzad na gsungs pa la sde srid nas dgongs pa yang mi yong ba 'dug bdag gis bor na brlag 'gro ba 'dra zhus pas da 'o na bskyar bkod cig byas yun ring po mdzad dgos pa yin nam gnang ba 'di dus ri phug dbu mdzad gnang nas lo gsum gyi skabs yin cing me byi gra ngan ci rigs kyi mi bsrun pa'i sgyu 'phrul gyis se rag sgrub sde dang khang dmar nas sogs sku nye tsho'i sar lo gcig tsam bzhugs dgos byung ba glang lo'i mjug tu sde srid gtsang pas dbu mdzad bskyar bsko gnang ste snga rting gnyis dril bar lo sum cu rtsa gsum song bas lkog gyur gyi chos rjen par gsal ba de las yid ches kyi gnas gang du mchis/ de dang mtshungs par rje zha lu pa sogs dpon slob thugs nang gtsang sa tshor sde srid gtsang pa'i mtshan don kyang yun ring mi yong ba'i rgyu mtshan gsal po yang yang gsung bas mtshon/ yid ches kyi nges pa rnyed pa mang du yod par gda'/ dam pa 'di nyid kyis dge ba'i bshes gnyen bsten tshul mdo tsam smos zin cing der ma 'dus pa ni/ sa skya khri chen 'jam dbyangs bsod nams dbang po/ /khri chen ngag dbang kun dga' bsod