[A:396]kun dga' blo gros sogs lcam sring brgyad 'khrungs pa'i nang so sku mched kyi khab tu lha khang chen mo ba'i sras mo dpal 'dzom byon par sras nam mkha' rdo rje tshe brtan dpal 'byor bzang po 'khrungs te yum snga mo nas grongs pa'i tshong 'dus mgur mo ba'i sras mo byang sems bu khrid blangs par gcung nam mkha' rgyal ba byon pa'i jo mor se ston rig sngags 'chang ba'i gdung brgyud 'dar chos rdzong pa don yod rnam rgyal gyi sras mo tshe brtan bu khrid bzhes par sras zhabs drung brtan pa'i drung ngam bsod nams rab brtan/ chos kyi rgyal mtshan/ thams cad mkhyen pa mkhyen brtse'i dbang phyug /nor bu bzang po bzhi 'khrungs pa las gcen zhabs drung brtan pa'i drung la 'dar chos rdzong pa'i sras mo nam mkha'i drung bsus par sras ma byung ba slar tshe dbang drung blangs par sras 'a zha nam mkha' phun tshogs byung bar jo mo shangs brgya tsho ba'i lcam bsod nams 'bol le bzhes par sras bzhi byung ba de dag kyang lugs gnyis kyi mdzad pa rnams 'jig rten phal pa'i ngang tshul las 'das pa'i ngo tsha khrel gzhung gi bag yod cing skyes rgyal rnams dpa' brtul dang bud med rnams mdzangs ma'i rang bzhin can dkon mchog gsum la bla mar bzung nas mchod pa dang ma nus pa byams pas skyong zhing spros bcas dang spros med kyi thugs dam la brtson pa lhur mdzad pa sha stag byon pa'i phyi 'phyar de ltar grags kyang don thams cad mkhyen pa'i gcen 'gran zla dang bral ba zhabs drung brtan pa'i drung gi sras su ngos 'dzin la/ de'ang chu shel kyi bu mo lang tsho ngom pa'i sa 'dzin gyi 'phreng bas yongs su bskor ba'i ljongs 'dir ru bzhir grags pa las g.yas