[A:480]sgrub chos kyi rgyal mtshan/ dkyil 'khor rgya mtsho'i khyab bdag e waM mkhan chen dpal ldan don grub/ skyed tshal mkhan chen 'bum rams pa thar pa rgyal mtshan/ slob bshad kyi bstan 'dzin chen po rgyal rtse zhabs drung byams pa ngag dbang bsod nams rgyal mtshan/ dam pa'i chos kyi rgyal tshab chen po rdo rje 'chang mgon po bsod nams mchog ldan/ bu ston thams cad mkhyen pa'i chos kyi rgyal tshab dam pa khyab bdag zha lu pa rin cen bsod nams mchog grub/ kha'u brag rdzong pa'i bstan pa'i srog shing chen po glang phu chos rje 'jam dbyangs chos skyong dbang phyug /'dar skyid gshongs pa mkhan chen mang thos grags pa rnam rgyal/ yangs can mkhan po byams pa bsod nams mtha' yas/ so zur gnubs gsum sngags pa'i rgyal por grags pa'i zur 'ug bya lung pa'i chos rje yab sras/ mthu chen nyi ma bzang po dang mkhyen pa'i spyan ldan rin cen rgyal mtshan sogs se'i sngags 'chang rim par byon pa'i gdung 'dzin bkra bzang chos rje nam mkha' rig 'dzin/ kyi ston sngags 'chang chen po tshe ring dbang po/ sger pa ba ngag dbang nyi ma/ ri phug dbu mdzad rin chen rgya mtsho/ bla ma sgyi lung pa skyo ston yab sras la sogs slob bu mtha' yas par sngags gsar rnying theg pa thun mong pa'i dam pa'i chos kyi char chen po phab ste ding sang gi bar du dbus gtsang 'dzin ma'i khyon 'dir bshad sgrub kyi rgyun bzang po dbyar mtsho ltar 'phel ba'i bka' drin bla na med pa'o/ /'chad nyan dang phyogs phebs ma gtogs thugs dam gyis