[A:༤༨༠]སྒྲུབ་ཆོས་ཀྱི་རྒྱལ་མཚན། དཀྱིལ་འཁོར་རྒྱ་མཚོའི་ཁྱབ་བདག་ཨེ་ཝཾ་མཁན་ཆེན་དཔལ་ལྡན་དོན་གྲུབ། སྐྱེད་ཚལ་མཁན་ཆེན་འབུམ་རམས་པ་ཐར་པ་རྒྱལ་མཚན། སློབ་བཤད་ཀྱི་བསྟན་འཛིན་ཆེན་པོ་རྒྱལ་རྩེ་ཞབས་དྲུང་བྱམས་པ་ངག་དབང་བསོད་ནམས་རྒྱལ་མཚན། དམ་པའི་ཆོས་ཀྱི་རྒྱལ་ཚབ་ཆེན་པོ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། བུ་སྟོན་ཐམས་ཅད་མཁྱེན་པའི་ཆོས་ཀྱི་རྒྱལ་ཚབ་དམ་པ་ཁྱབ་བདག་ཞ་ལུ་པ་རིན་ཅེན་བསོད་ནམས་མཆོག་གྲུབ། ཁའུ་བྲག་རྫོང་པའི་བསྟན་པའི་སྲོག་ཤིང་ཆེན་པོ་གླང་ཕུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག །འདར་སྐྱིད་གཤོངས་པ་མཁན་ཆེན་མང་ཐོས་གྲགས་པ་རྣམ་རྒྱལ། ཡངས་ཅན་མཁན་པོ་བྱམས་པ་བསོད་ནམས་མཐའ་ཡས། སོ་ཟུར་གནུབས་གསུམ་སྔགས་པའི་རྒྱལ་པོར་གྲགས་པའི་ཟུར་འུག་བྱ་ལུང་པའི་ཆོས་རྗེ་ཡབ་སྲས། མཐུ་ཆེན་ཉི་མ་བཟང་པོ་དང་མཁྱེན་པའི་སྤྱན་ལྡན་རིན་ཅེན་རྒྱལ་མཚན་སོགས་སེའི་སྔགས་འཆང་རིམ་པར་བྱོན་པའི་གདུང་འཛིན་བཀྲ་བཟང་ཆོས་རྗེ་ནམ་མཁའ་རིག་འཛིན། ཀྱི་སྟོན་སྔགས་འཆང་ཆེན་པོ་ཚེ་རིང་དབང་པོ། སྒེར་པ་བ་ངག་དབང་ཉི་མ། རི་ཕུག་དབུ་མཛད་རིན་ཆེན་རྒྱ་མཚོ། བླ་མ་སྒྱི་ལུང་པ་སྐྱོ་སྟོན་ཡབ་སྲས་ལ་སོགས་སློབ་བུ་མཐའ་ཡས་པར་སྔགས་གསར་རྙིང་ཐེག་པ་ཐུན་མོང་པའི་དམ་པའི་ཆོས་ཀྱི་ཆར་ཆེན་པོ་ཕབ་སྟེ་དིང་སང་གི་བར་དུ་དབུས་གཙང་འཛིན་མའི་ཁྱོན་འདིར་བཤད་སྒྲུབ་ཀྱི་རྒྱུན་བཟང་པོ་དབྱར་མཚོ་ལྟར་འཕེལ་བའི་བཀའ་དྲིན་བླ་ན་མེད་པའོ། །འཆད་ཉན་དང་ཕྱོགས་ཕེབས་མ་གཏོགས་ཐུགས་དམ་གྱིས་