[A:༥༤༣]པ། ཕོད་ཀ་མཐིང་ཁ། ཆོས་གོས་དམར་པོ། པདྨ་མཐོང་གྲོལ་དམར་པོ་གསོལ་བ། སྐུ་ལྕམ་ཁ་ཐི་སྨུག་ཁྲ་འདྲ་བའི་པདྨ་ལྡུམ་རིས་ཁྲ་ཆིལ་ལེ་བ་བཞེས་པ་ཕྱག་མཚན་སྤྱི་དང་འདྲ་བ་ཞིག་གསལ་བར་མཐོང་ནས། དེའི་ཞབས་ཀྱི་ཐད་ཙམ་དུ་མགོ་བཙུགས་ནས། ཉི་མ་ལྟ་བུར་མ་རིག་མུན་པ་སེལ། །ཟླ་བ་ལྟ་བུར་ཉོན་མོངས་གདུང་བ་སེལ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུརྻ་ཡི་འོད་ལ་ཕྱག་འཚལ་ལོ། །ཟེར་བ་འདི་ཁ་ནས་སྟོན་མ་ཐག་གཉིད་སད། དེ་ནས་བཟུང་སྟེ་ཚེ་འདིའི་བྱ་བྱེད་འདུ་འགོད་ཐམས་ཅད་བུན་ལོང་ངེ་བ་འའི་ནམ་འཆིའམ། བྱང་ཆུབ་ཅིག་མ་བསྒྲུབ་ན་ནམ་མི་འདུག་སྙམ་པའི་དུང་དུང་མ་གཏོགས་བློ་རྒྱ་ཡེ་མེད་ལ། ཆགས་ཞེན་འཇིགས་སྐྲག་ཅི་ཡང་མེད་པའི་ཟི་ཆོད་དེ་བ་ཞིག་རྒྱུན་དུ་བྱུང་བ་དེ། རིན་པོ་ཆེ་ལ་བདག་ཆེན་གྱིས་ངན་བྱས་པ་ལ་ཞེ་སྡང་དྲག་པོ་སྐྱེས་མ་ཐག་གཉིད་སད་པ་བཞིན་ཡལ་སོང༌། ཕྱི་ལོ་བོ་དོང་ཀུན་ར་རྙིང་མར་སྐྱེ་བདུན་བསྒྲུབས་ཚེ་ཞལ་ངོ་རྣམས་ལ་འཁོར་བ་དོང་སྤྲུག་གི་ལམ་དབང་ཕུལ་བའི་སྤྱན་འདྲེན་གྱི་ཚེ། འཇའ་འོད་འཁྱིལ་པའི་ཀློང་ན་ཨྱོན་རིན་པོ་ཆེ་སྔར་མཐོང་བ་ལྟར་དང༌། དེའི་གཡས་ན་གུ་རུ་རིན་པོ་ཆེ་ཆོས་དབང་བབས་དང་མོའི་དེ་ག་ལ། ཕོད་ཀའི་སྟེང་ན་ཆོས་གོས་ལི་ཁྲིའི་མདོག་འདྲ་བ་ཞིག་བཞེས། ཕྱག་ན་བུམ་པ་བསྣམས། གཡོན་ན་ཕ་མངའ་རིས་གཏེར་སྟོན་ད་ལྟའི་དབྱིབས་ཇི་ལྟ་བ་མདུན་གྱི་སྨད་ཙམ་ན་རྒྱ་མཚོ་དགེ་སློང་བ་དེ་མེ་ཏོག་དམར་པོ་ཞིག་ཐོགས་པ་རྣམས་ཡེ་རེ་རེ་བྱོན་བྱུང་ནས་མདུན་གྱི་ནམ་མཁའ་ལ་འོད་བུང་ངེ་བཞུགས། གུ་རུ་ཆོས་དབང་གི་ཕྱག་གི་བུམ་པ་ནས་བདུད་རྩི་འོ་མ་འདྲ་བ་རེ་སྐྱ་