[A:༥༦༣]ཆོས་ཀྱི་རྒྱལ་ཚབ་ཆེན་པོར་ཁྱབ་བདག་བླ་མ་དབང་ཕྱུག་རབ་བརྟན་གྱིས་མངའ་གསོལ་བར་མཛད་ནས་ཤིས་པ་བརྗོད་པའི་མེ་ཏོག་གི་ཆར་ཆེན་པོ་ཕྱོགས་ཀུན་ཏུ་བསྙིལ། དེའི་ཚེ་གཙང་སྡེ་སྲིད། སྡེ་པ་ཡར་སྟོད་པ། བཀྲ་ཤིས་རྩེ་གསུམ་ནས་བསྐོ་འཇའ། གྲ་རིགས་སྦྱིན་བདག་རྣམས་ཀྱིས་ལེགས་སྐྱེས་རྒྱ་ཆེར་བསྟོད། ལྗགས་བསྔོ་གསུང་དཔངས་མཐོ་ཞིང་སྙན་ལ་བརྗོད་བྱ་རྗོད་བྱེད་ཀྱི་དོན་ཕུན་སུམ་ཚོགས་པས་དེ་འཁོར་ཐམས་ཅད་དགའ་མགུ་ཡི་རང་གི་སར་བཀོད། རྗེ་རྡོ་རྗེ་འཆང་གཙང་ཕྱོགས་སུ་ཆིབས་ཀྱི་ཁ་ལོ་བསྐྱོད་ནའང་དམ་པ་འདི་ཉིད་ཀྱིས་གྲ་སའི་ཁུར་བཞེས་སོ་བའི་བཏགས་མིང་ཙམ་མ་ཡིན་པར་སྒྲུབ་མཆོད་དང་བསྐང་བ་གཏོར་སྒྲུབ་སོགས་ཀྱི་རྡོ་རྗེ་སློབ་དཔོན་རྗེ་བླ་མའི་དུས་ཇི་ལྟ་བའི་ཕྱག་ལེན་ཕྲ་རགས་མཐའ་དག་ལ་ཐུགས་ཞིབ་ཅིང་འཕྱུགས་མེད་ཀྱི་དག་ཐེར་ཁོ་ན་བསྟར་བ་མ་གཏོགས་འཇིག་རྟེན་བྱ་བ་གཙོ་བོར་བཟུང་སྟེ་གལ་ཆུང་ཆོས་སུ་སྨྲ་བའི་ཐེབས་ཆག་ཡེ་མི་གནང་བས་རྗེ་བླ་མ་ཀུན་སྤངས་མཛད་པར་གྲ་རིགས་རྣམས་མྱ་ངན་གྱི་མེས་ཡིད་གདུངས་པའང་དམ་པ་འདིའི་མཛད་པའི་ཆར་ཆེན་པོས་བསིལ་བས་གསོས་སྨན་བླ་ན་མེད་པར་གྱུར་ཏོ། །ཆེས་བཙུན་འོད་གསལ་ལྷ་ཡི་གདུང་མ་འཆོལ། །མཁས་དང་གྲུབ་པའི་བྱིན་རླབས་རྒྱུན་མ་ཆད། །བསྟན་འགྲོའི་ཉེར་འཚོར་ལྷག་བསམ་མཐུ་མ་ཉམས། །རྒྱལ་སྲས་སློབ་མར་སྤྲུལ་པའི་མཐའ་མ་རྫོགས། །མ་དང་མཁའ་འགྲོའི་གྲོང་དུ་བདེ་ཆེན་ཀློང༌། །གཟིམས་ལ་ཚད་མེད་ལྷ་མོས་ཡོངས་བསྐུལ་མཐུས། །ཞིང་འདིར་མཚན་དཔེའི་ཟློས་གར་མངོན་སུམ་དུ། །གསལ་འདི་ཡིད་ཅན་ལེགས་བྱས་བྱེ་