[A:563]chos kyi rgyal tshab chen por khyab bdag bla ma dbang phyug rab brtan gyis mnga' gsol bar mdzad nas shis pa brjod pa'i me tog gi char chen po phyogs kun tu bsnyil/ de'i tshe gtsang sde srid/ sde pa yar stod pa/ bkra shis rtse gsum nas bsko 'ja'/ gra rigs sbyin bdag rnams kyis legs skyes rgya cher bstod/ ljags bsngo gsung dpangs mtho zhing snyan la brjod bya rjod byed kyi don phun sum tshogs pas de 'khor thams cad dga' mgu yi rang gi sar bkod/ rje rdo rje 'chang gtsang phyogs su chibs kyi kha lo bskyod na'ang dam pa 'di nyid kyis gra sa'i khur bzhes so ba'i btags ming tsam ma yin par sgrub mchod dang bskang ba gtor sgrub sogs kyi rdo rje slob dpon rje bla ma'i dus ji lta ba'i phyag len phra rags mtha' dag la thugs zhib cing 'phyugs med kyi dag ther kho na bstar ba ma gtogs 'jig rten bya ba gtso bor bzung ste gal chung chos su smra ba'i thebs chag ye mi gnang bas rje bla ma kun spangs mdzad par gra rigs rnams mya ngan gyi mes yid gdungs pa'ang dam pa 'di'i mdzad pa'i char chen pos bsil bas gsos sman bla na med par gyur to/ /ches btsun 'od gsal lha yi gdung ma 'chol/ /mkhas dang grub pa'i byin rlabs rgyun ma chad/ /bstan 'gro'i nyer 'tshor lhag bsam mthu ma nyams/ /rgyal sras slob mar sprul pa'i mtha' ma rdzogs/ /ma dang mkha' 'gro'i grong du bde chen klong / /gzims la tshad med lha mos yongs bskul mthus/ /zhing 'dir mtshan dpe'i zlos gar mngon sum du/ /gsal 'di yid can legs byas bye