[A:༥༦༨]སྦྱར་བ་ཙམ་མ་ཡིན་པའི་ཕྲ་ཞིབ་ཀྱི་རྒྱུན་བཟང་པོ་མཛད་བཞིན་པའི་སྟེང་ནས་བསྟན་པར་ཞུགས་ལ་ཡོངས་སུ་རྫོགས་པ་དགེ་སློང་གི་དངོས་པོ་རྣམ་དག་ཏུ་གྱུར་ནས་ཉེས་ལྟུང་གི་དྲི་མས་མ་གོས་པ་གནས་བརྟན་འདུལ་བ་འཛིན་པ་རྣམས་ཀྱི་མཆོག་ཏུ་གྱུར་ཅིང་འདི་ནས་བཟུང་ཇི་སྲིད་བར་ལུས་ངག་གི་སྡོམ་པ་ལས་ཅུང་ཟད་ཀྱང་མི་གཡོ་བས། ཐམས་ཅད་མཁྱེན་པའི་གསུང་མགུར་ལས། ཐུབ་དབང་དགེ་བའི་བཤེས་གཉེན་ཀུན་དགའ་ལེགས་པའི་ཞབས་ལས། །སོ་ཐར་སྡོམ་པ་ཐོབ་པ་ཉམས་སུ་ལེགས་པར་བླངས་ནས། །ཉེས་ལྟུང་དྲི་མས་མ་གོས་ངོ་ལྐོག་མེད་པར་བསྲུངས་པས། །བཙུན་པ་ཚོགས་པའི་ཁྲོད་འདིར་མཁྱེན་བརྩེའི་དབང་ཕྱུག་སྐྱིད་དོ། །ཞེས་གསུངས་པའི་དོན་དང་མཐུན་ནོ། །བླ་མ་དམ་པ་འདི་གསུམ་ལ་ཟབ་རྒྱས་ཀྱི་ཆོས་སྔ་ཕྱིར་གསན་པ་ཆེར་ལོང་ཙམ་འདིར་ཕྱོགས་གཅིག་ཏུ་བསྡོམས་པ་ལ་མཁན་ཆེན་སྒྲུབ་ཁང་པ་དཔལ་ལྡན་དོན་གྲུབ་ཀྱི་དྲུང་དུ་འདུལ་བ་མདོ་རྩ། མེ་ཏོག་ཕྲེང་རྒྱུས། སུམ་བརྒྱ་པ། འགྲེལ་པ་འོད་ལྡན། ཀུན་མཁྱེན་བུའི་ལས་ཆོག །ངོར་དུ་གྲགས་ཆེ་བའི་མདོ་ཆུང་བཅུ་བདུན། རྡོར་གཅོད། སྡུད་པ། སྨན་མདོ་བརྒྱད་བརྒྱ་པ། མཁན་པོའི་མདོ་ཆོག །བྱམས་ཆོས་སྡེ་ལྔ། སྤྱོད་འཇུག་རྣམས་ཀྱི་ལུང༌། ཀྱེ་རྡོར་ཌོམྦྷི། མཚོ་སྐྱེས། ནག་པོ་ལུགས། བདག་མེད་ལྷ་མོ་བཅོ་ལྔ། གུར་རིགས་བསྡུས། སམྦུ་ཊིའི་རྡོར་དབྱིངས། བདེ་མཆོག་ལོ་ནག་དྲིལ་གསུམ། འཇིགས་བྱེད་ས་ལུགས་དང་རྭ་ལུགས། སྒྲོལ་མ་ལྷ་བཅུ་བདུན་མ། རིགས་བྱེད་མ་ལྷ་ལྔ། ཕྱག་རྡོར་འཆི་བདག་འཇོམས་པ།