[A:568]sbyar ba tsam ma yin pa'i phra zhib kyi rgyun bzang po mdzad bzhin pa'i steng nas bstan par zhugs la yongs su rdzogs pa dge slong gi dngos po rnam dag tu gyur nas nyes ltung gi dri mas ma gos pa gnas brtan 'dul ba 'dzin pa rnams kyi mchog tu gyur cing 'di nas bzung ji srid bar lus ngag gi sdom pa las cung zad kyang mi g.yo bas/ thams cad mkhyen pa'i gsung mgur las/ thub dbang dge ba'i bshes gnyen kun dga' legs pa'i zhabs las/ /so thar sdom pa thob pa nyams su legs par blangs nas/ /nyes ltung dri mas ma gos ngo lkog med par bsrungs pas/ /btsun pa tshogs pa'i khrod 'dir mkhyen brtse'i dbang phyug skyid do/ /zhes gsungs pa'i don dang mthun no/ /bla ma dam pa 'di gsum la zab rgyas kyi chos snga phyir gsan pa cher long tsam 'dir phyogs gcig tu bsdoms pa la mkhan chen sgrub khang pa dpal ldan don grub kyi drung du 'dul ba mdo rtsa/ me tog phreng rgyus/ sum brgya pa/ 'grel pa 'od ldan/ kun mkhyen bu'i las chog /ngor du grags che ba'i mdo chung bcu bdun/ rdor gcod/ sdud pa/ sman mdo brgyad brgya pa/ mkhan po'i mdo chog /byams chos sde lnga/ spyod 'jug rnams kyi lung / kye rdor Dombhi/ mtsho skyes/ nag po lugs/ bdag med lha mo bco lnga/ gur rigs bsdus/ sambu Ti'i rdor dbyings/ bde mchog lo nag dril gsum/ 'jigs byed sa lugs dang rwa lugs/ sgrol ma lha bcu bdun ma/ rigs byed ma lha lnga/ phyag rdor 'chi bdag 'joms pa/