[A:598]ba 'dras 'di la phul nas ci gnang zhus par ye shes pa gang na bzhugs mi shes zhes lha gos sgron pa dang dus mnyam du bdud rtsi babs pa gsum ga mchod dpon 'jam dbyangs rgyal mtshan gyis thog mar ngos zin/ bdud rtsi babs par blo chung ba rnams ya mtshan gyi gnas su byed na'ang sku tshe mang por chos skyong bran du 'khol bar ma zad gsang rten lus la sba ba'i rnal 'byor dang ldan na dam can grib ma bzhin 'khor bar dpal brtse ba chen po la dgag mkhan med pa'i dbu snyung bzhes par dpags na mtshar 'dzin gyi chen por mi sems so/ /kha'u skyes lhas su phebs skabs dgon pa'i 'og tsam du chibs gshol nas spyan nam mkha' la hur rer gzigs te rgyang tsam bzhugs pa 'phral du 'di yin mi gsung yang rjes su rdo ring rin po che man chad kyi bla ma rnams phebs dus gnyan mgon bram ze'i gzugs kyi bsu ba re nges par byung 'dug ces drung du 'khod par bka' stsal ba la dpags na de dus gzigs snang khyad par can byung ba gor ma chag /skyes lhas kyi dge 'dun rnams la sger du mang ja mi rer zhal 'gyed/ rten gyi tshogs la mchod pa snyan shal bskang ba 'phrin bcol dam bsgrags/ zhabs drung bdag chen rin po che mjal zhing dgyes pa'i gsung gleng mang du stsal/ bka' chos kyi snyan gsan gnang bas 'thum nad las grol nas yun ring tsam song rung dpon tshang rnams kyis skor cig dpe lta sogs mi 'gab zer bas da lam mi thub 'dug slar long dang bstun pa'i byed ces dgyes pa'i zhal gyis bzhes/ zha lur mang ja tsha ra dang / ngor e