[A:597]po che dkyil 'khor gyi gtso bo dang tha mi dad par mchod pa'i tshul du zhugs su phul ba'i tshe ye shes kyi me rang 'bar zhing sang nyin lha rnams kyis mchod pa'i phyir me tog gi char dang 'ja' tshon sna lnga'i gur khyim za 'og ris su phub pa sogs ngo mtshar ba'i cho 'phrul bsam gyis mi khyab par mchis/ de nas gdan sa chen po dpal ldan sa skyar phebs te bzhi thog tu khri rin po che 'jam mgon grub pa'i dpa' bo ngag dbang kun dga' bsod nams bkra shis grags pa rgyal mtshan dpal bzang por thugs dam 'dogs rten/ chos dung dkar po rgyang grags btang ba'i dge 'dun tshogs chen la mang 'gyed/ lha khang tshor mchod pa snyan shal bzabs rgyas dang bcas rdo rje slob dpon dpal ldan bla ma dam pa bstan 'gro'i phan bde rlabs po che bskrun par mdzad bzhed kyi smon lam gyi rgyas 'debs/ mgon khang rnams su mchod gtor bskang bshags bstod 'phrin rgyas par gnang ba'i dam bsgrags shing khyad par bse 'bag nag po 'phur shes kyi dbu dpral nas zil pa khrom khrom byung ba je 'phel du song ba shangs rtser babs pa zhal du mchod cing sku 'khor ba byams pa/ mkhan chen gzhon nu blo gros kyi snag dbon nang so dge 'dun rgya mtsho/ mchod dpon gsum la gnang ba zas gang dang yang mi 'dra ba'i zhim la bcud che ba dri bzang chags pa byung zhing de'i shar g.yu thog tu bzhugs pa'i mgon po'i sku las bdud rtsi'i rgyun gong dang 'dra/ sa bzang sku 'bum mchod khang na mgon po'i sku thal ba'i rdul gyis cher gos pa'i lta snang mi spro ba zhig la snyan dar 'bul grabs mdzad pa'i tshe sku 'khor