bas mi rnyed pa'i tshod tsam du 'dug /mi tshe ni phyed lhag song 'dug /'tshang rgya bar ni spu tsam mi nye ba'i khar nyes ltung mang po zhig gis mar la en tsam nye ru song 'dug snyam pa'i blo la bde ba'i skabs ma byung bas slar yang yang bsams pas mtshams med byas pa'i sdig pa che yang gsang sngags kyi gnad gsang shes na myur du 'tshang rgya bar gsungs 'dug /snying rus dang ldan na zla ba drug rtse gcig bsgoms pas phung po lhag med 'grub par yang gsungs/ tshul bzhin du bsgoms na zhag bdun gyis bden pa mthong bar dus 'khor las gsungs pa sogs kyis spro ba slar rnyed/ da cha rang lo so brgyad pa 'brug lo zla ba dang po nas bzung ji srid 'tsho'i bar tshe 'di'i bde skyid snyan grags ched du mi sgrub zas ster mi byung na byol nyog tu ma song bar longs spyod/ ma byung na bcud len la sogs pa'i ngan ngon la brten/ gos ster mi byung na gyon/ ma byung na'ang chos gos rnam gsum ngan rnyigs dang gtum mo la brten pa byed/ chos bka' gter mdo sngags rnam dag zhu sa gang na yod kyang zhu/ khyad par khe dang rgyal kha gzhan la bskur zhing / gyong rang gis len pa gang yong yong byed/ lhag par lha'i bsnyen pa rigs mi gcig pa brgya phrag byed/ rtags dang mtshan ma yong re med kyang grangs bsnyen/ dus bsnyen/ gtso 'bum/ 'khor khrir longs pa brgya phrag gcig lo zhe dgu tshun la grub pa bgyid/ de nas kyang ma shi na ci 'grub byed/ de dag gi khas len dang dam bca' la rta ri ba dang nyams len lag thog yod pa la khyi mi ri ba byung gi dogs 'dug pas yang yang zhus dag byed/ grub na khengs rloms spangs te chos chos su song ba byed/ de dag 'grub ma 'grub blta phyir yi ge bris pa yin/ sprang ban bdag gi dam bca'i tshig 'di dag /byas byung yi ger 'dri ba'ang mi 'os mod/ /'on kyang khengs dregs bzang 'dod ma yin pa'i/ /ma 'grub tshe na rang la rang khrel 'debs/ /tshul bzhin 'grub na zhen med dga' ba sgom/ /des na bla ma yi dam chos skyong tshogs/ /bdag gi dam bca' tshul bzhin 'grub pa dang / /bsgrubs pa'i 'bras bu tshul bzhin 'thob par mdzod/ /ces gsungs pa/ rje mkhyen brtse'i gsung mgur las/ dus dang por 'jig rten bya ba thong / /dus bar du tshe 'di'i bya ba thong / /dus tha mar chos kyi bya ba thong / /da ci nus bya btang rnal 'byor bgyid/ /lus sna tshogs rgyan gyis rab brgyan kyang / /rus sha dang pags pas g.yogs pa 'dis/ /gos mdzes pas brgyan kyang snang shas rgyu/ /da cha lugs ngan ngon tsam la brten/ /zhes pa'i don dang mtshungs par ma zad ljongs 'di'i mkhas grub chen po'i rnam thar ngo mtshar ba'i gnas 'gangs che shos su 'dug cing zhib tu brtags tshe zhal gyis 'ches pa kho na mdzad par yid ches kyi nges pa rnyed pas dad pa'i gsos bla na med pa'o/ /de nas drang srong srin po ri'i gnas mjal la bya bral 'gros kyis phebs/ de'ang 'bri gung pas paN chen shAkya shrI gdan drangs pa'i tshe paNDi ta bi bhU ti tsandras phyag rgya ba rdzun che zhes skur pa btab pa'i sgrib sbyong du rje btsun ma'i lung bstan ltar bde mchog gi lha khang bzhengs pa'i sku khyad par can de'i zhabs 'og tu dar skud 'drongs pa sogs bar snang mar grags pa da lam khyud gang tsam sa la ma reg pa'i ngo mtshar gyi