thugs brel gyi rjes su mi 'brang zhing dpon slob rnams kyi kun tu spyod pa'ang mdo rgyud las/ ji ltar byung ba ltar bstan rgyun la dgongs pa'i thugs ru shin tuu nga ba'i sgo nas chos sde'i rigs gra dang rnal 'byor rgyud kyi sgrub mchod sogs la rta ma chag tsam dang gzhan ma nyi khyongs su gnang ba hor zla bcu gnyis pa'i tshes bco lnga la legs par grub cing rten 'brel khyad kyis bstan 'gyur gsan khrod nas po ti gsum tsam dang / chos zhu ba'i tshogs la nyin re bzhin mang ja gnyis re chad med dang / kun mkhyen bu/ rje rdo rje gdan pa/ tshar chen/ 'jam dbyangs mkhyen brtse khu dbon rnams kyi dus dran la bka' 'gyur rin po cher rgya mchod/ tshogs su mang ja 'phar ma/ skabs 'gar chos ston mdzug tu grol ston gyis tshim pa sogs bsdu ba rnam pa bzhi'i sgo nas rjes su bzung zhing gnyug mar gnas pa dang glo bur du lhags pa'i khong nas rdo rje brag sprul sku rin po che'i yab gzhis nas bsnyen bkur gzabs rgyas lan gnyis/ gzhan phal cher gyis mang ja'i thog 'byor pa dang bstun pa'i zang zing gi bdog pa maNDal du bteg /mtsho sngon po'i sgar thog nas dharma kho ya tha'i ji bod du btang skabs nged rang nas 'phrin gsol dngul gyi rten ldan brtan bzhugs kyi tshigs bcad dang bcas phul ba chos zhu ba rnams kyis shes nas 'phral du btsugs te nyin star gyis gsung ba sogs rten 'brel 'grig cing gzhan don du dgongs nas brtan bzhugs gsol 'debs su bsgyur te deng sang kyang tshogs 'don chag med du yod snang / chos grol rjes rten 'brel gyi khyad nas skya ser gyi khrom chen po tshogs par phyi rol gyi rdo cal bzhugs khri'i thog tu phebs shing 'jam dbyangs sa paN gyi dbu zhwas zhu mchod/ grub rgyal lugs kyi lha gcig bum gcig la brten pa'i tshe dbang / da lam gyi chos 'khor 'di la brten pa'i 'chad nyan zhabs tog mthun rkyen sgrubs so cog kun gyi dge ba'i rtsa ba rnams byang chub chen por bsngo ba'i yon bshad/ bkra shis kyi mtha' brten dang bcas rgyas par stsal ba ni/ kun mkhyen mkhyen brtse'i gsung mgur las/ gang 'di'i thub bstan tha mar gyur pa'i mthus/ /ji snyed chos kyi bka' babs chad gyur cing / /cung zad lus rnams 'chad la nye ba 'di/ /bsams bzhin snying nas ma dga' shes par 'phyo/ /rgyal ba'i bstan pa mchog la dad pa dang / /mar gyur 'gro la brtse ba'i lhag bsam gyis/ /phan bde'i 'byung gnas thub bstan rin chen sgron/ /spel ba'i thabs la snying nas spro bar gyur/ /zhes pa'i don dang mthun par mchis so/ /rin cen tshul khrims bkra shis dang gsung gleng la ri phug tu lo gsum ma'i skabs sgrub thabs rgya mtsho'i lha rnams kyi bsnyen pa tshad du 'khyol ba khyad par bya rgyud la legs grub kyi dgongs pa bzhin g.yal dang sbrid pa sogs byung na phreng skor gcig pu de grangs su mi brtsi bas mtshon phra mo rnams la'ang thugs rung tshul gsungs pa dpyod ldan 'phrin las rnam rgyal gyi thos 'dzin du gyur par ya mtshan du 'dzin zhing kho bo'ang rjes su yi rang ngo / /nye skor nas zhing 'khyar kha shas gzigs pa hor zla bdun pa'i rnal 'byor rgyud kyi sgrub mchod thebs su nyin gcig 'phar ba'i spyor 'jags gnang / de nas mi ring bar rnam snang mngon byang la nyer lngar gcod mi dgos pa rgyud kyi dgongs