pas 'brel tshad don ldan gyi sgo nas thar pa'i lam du 'dren/ rang bzhin gyi gsung gleng rnams kyang bstan pa 'dzin pa'i bshes gnyen/ gra pa chos byed kyi rigs su ma zad sde dpon sbyin bdag tha na skyes pa bud med rang bzhin pa tshun la yang so so'i blo dang 'tsham pa'i ngos dge ba la bkri ba'i thabs min pa/ dmag /tshong / gshags/ grub mtha' sna tshogs kyi chos dang bla ma sun 'byin/ 'brel med kyi nyog gtam/ rdzun/ phra ma/ tshig rtsub/ ngag kyal sogs mi gnang / chos gang gsung yang rang lugs ma 'dres pa ston pa las gzhan gyi lugs la zur mi za/ gsol ba 'debs mkhan ma byung bar bstan na chos btsongs pa lta bur 'gro zhes 'di bzhin yod pas nyon cig ces bskul ma mi gnang / thos bsam sgom pa 'chad nyan sku gsung thugs rten bzhengs pa dgon pa'i 'dzin skyong nad ba dbul phongs la phan btags pas mtshon mdzad pa gang la'ang ngas 'di byas so ba'i yus mi 'dren/ bsnyen sgrub las sbyor gyi rtags mtshan bla ma yi dam chos skyong gi zhal gzigs lung bstan dbugs dbyung mngon shes grub rtags sogs yon tan khyad par can byung ba skad mi gsung zhing gzhan nas de 'dra'i dogs gnas kyi dri ba zhus par mi dgyes pa'i sne tsam yang mi len cing dman cha kho na gnang / thugs dam zhal gzigs ngo mtshar ba'i bsnyel tho 'di sa bon tsam las dngos su zhal lung zhu thub na zab cing rgya che ba zhig yod rigs su snang na'ang da sgos 'di'i don 'grol bar ma nus shing rtog bzo'i na yams byas na skabs su ma che bas gang 'dug bkod par/ tshes bcu bzhi la bde mchog nag po pa'i sta gon tshugs sgrub cing mchod pa thengs gcig dang gzhan sgrub mchod bdag 'jug bcas par rdul tshon steng nas tshar bcu gsum dbang tshar gnyis yid ches par song / tshugs pa'i nub zhal bzhi pa li ma'i sku dang / grol ba'i nub sa chen/ sems dpa' chen po/ zha lu pa/ buddha bha dra sogs kyi bris sku dang skad cha za zir mang ba legs pa tsam yin rje bla ma gsung pas tshe gcig nyams len byas na/ byin rlabs yong ba e yin nam gzhan nam ring gi rmi lam la tig tig med/ med rang med/ rje btsun grags pa'i thugs dam mtsho skyes/ mi g.yo ba phyag g.yon rang mgo bag dro ltas bzang / chu sprel padma saM bha'i bsnyen pa yid ches par song / gzhung gi rtags cung zad dngos rmir mthong / khye'u bla ma shes mchod rten/ bya zla ba brgyad pa'i tshes gsum bzhi de pa la/ dbang phyug rab brtan bka' gter chos kyi mdzod/ hU~M nag me 'bar thugs sras dam pa dang / sogs dang shog dril gter gnas dang ras thums gsol 'debs la brtson na lo gcig gi nang du mjal zer ba dang / sprel lo dpyid zla'i tshes bcur yang zer/ tshes bcu gcig la mkha' 'gros gdan 'dren/ dbang lung man ngag ston pa yin zer ba dang / drag po'i zhal gyi sangs rgyas bstan pa la dgyes sogs mang ngag go srin po'i 'jigs pas sngangs pa las gu ru me tog dmar po la bdag dang sems can thams cad bdud dang gshin rje'i 'jigs pa las skyob tu gsol bas je bder song ba dang / yid kyis nas bur thud sogs phul ba dang / bla ma rin po che'i thugs dam zhal sngo skya dang / de rjes mgrin snying sgrub dus mtheb tshigs tsam bdun/ gzhi nas tsam la g.yung rgyal sngo skya nas tsam gsal ba mi rtog ting 'dzin la gnas