dog yod par sku rim dang chos sder sku mtshams gnang rgyu yang tshe sgrub dang bsun bzlog la ched gnyer mdzad dgos tshul gsol ba na/ rje mkhyen brtse'i gsung mgur du/ tshe ring lo brgya thub pa dang / /tshe thung da lta shi ba gnyis/ /rnam pa'i sgo nas khyad par che/ /ngo bo'i sgo nas bzang ngan med/ /thams cad sgyu ma rmi lam yin/ /tshe ring thung gang dga' ma dgar zhog /nga 'chi ba la 'jigs pa mi gda'o/ /zhes pa'i don dang mtshungs par bka' las da cha blo sbyong ba'i lugs yin pas/ na ba dga' na na ba byin gyis brlab tu gsol/ zhes sogs lung 'dren dang bcas na shi gson par ci byung yang dkon cog la blo bkal nas shi dogs pa'i rim gro byas na dkon mchog la yid ma ches par 'gro ba 'dra gsung par gcig tu de bzhin yin kyang rgya bod kyi dam pa tsho'i rnam thar la brtags tshe dgag bya dgos dbang gis nges pa mi 'dug pas re zhig gi bar du 'tsho zhing gzhes nas spyi sgos mtha' dag gi bstan pa'i srog shing du 'gyur nges pas thugs sna bstungs pa de ltar mi legs tshul nan tar gsol ba na bka' bzhin bsgrub gsung ba rjes su byas tshe gzhan ngo bsrung bar 'dug /rje rdo rje gdan pa'i dus kyi mkhyen brtse chen mo'i phyag bris mdo dbang gi tsa ka li rnams ras bse las grub pa'i ljid che ba nas slar bka' dbang la phebs dgos phyin da lam 'di gar bzhag pa 'gab 'dra zham ring pa rnams kyis zhus tshe khong dpon slob mthong chen po yod bas da res khyer nas rtsis 'bul zhu gsung / chu kha par sman sgom 'brang rgyas pas gdan 'dren la phyin skabs bka' las da cha rgyun ring po rang sdod pa mi 'char nges yin pas slar chos sde nas 'phros shig gtong bas de dus cis kyang yong thub pa dgos tshul gnang bar da dung bstan don la rgyun gang ring bzhugs dgos zhus pas zangs mdog dpal rir ayon chen po'i g.yas g.yon du bzhugs khri rim par bshams 'dug pa la rje rdo ring pa chen po nas rdo rje 'chang dbang phyug rab brtan yan bzhugs pa'i mthar khri stong pa zhig mchis pa bdag gi yin 'dug ces zhal gyis ma bzhes/ des na sku skye phebs dgos zhus par rje btsun kun spangs pa chen po dang sgo rum pa gnyis zangs mdog dpal ri kho nar bzhugs pa la tshar chen sogs bla ma yab sras gcig la gcig thugs chags pa'i 'bral mi phod pa lta bur yod gshis bdag kyang de mtshungs su sdod pas skye ba mi len/ 'phros 'di rnams bdag ma shi bar su la'ang bshad na mi yong ba'i dpang por dpal mgon 'khor bcas nged rang gnyis ka'i mdun na yod do/ /zhes lhug par stsal snang / de nub sne'u zhol gyi bzhugs 'tsher gyi thog nas 'bras spungs phyogs su zhal gzigs te ring 'tsho'i smon lam dang mchog gsum dam par gsol 'debs gnang / sang nyin se mo de'i thang la phyag g.yog dmangs ma rnams sngon du brdzangs/ chibs shol nas mchod dpon dang byams pa gnyis kyis phyag phyi zhus nas sku ngal gsos shing de nas chibs thog tu khyon pa dang lhan du lam khyod la da lam tsam min pa yong mi dgos pa 'dug gsung ba byams pas slar sku mtshams grol nas phebs dgos pas de 'dra mi gsung ba zhu zhes zhus song ba bka' las khyed tsho mi glen par 'dug da lo nga rang gi snang rtags dang sku zhabs chen mo'i bka' gang la dpags kyang mi sdod par 'dug gsung zhing