der ma zad zha lu mkhan rin po che sman khang nas la yang gtsang du rjes ma phebs dus gsung bgros byung tshor du mchis/ chos sder phebs nas nged rang gis rgyu mtshan gsol ba dang phyag g.yog sogs phyi nang mang po nas bskul ma zhus pa ngo ma bzlog pa'i gong dkar chos sder mang ja sbyor sbrel thog tshe gzungs sher snying gi bzlog pa/ bkra shis rtse chos sde'i mgon khang so sor bskang gso brgya rtsa/ bka' 'gyur sgrog pa/ sAtstsha 'bum ther sogs bsgrub pa gnang / rdo rje gsum mi 'da' ba'i sku mtshams dam pa'i ngang nas thun mtshams tshor gsan yig gi zin bris phyag dper 'bebs pa'i yig mkhan chos sde pa'i gra pa chos mdzad rgyal mtshan bzang pos byas pa chig dril du gnang ma thub gshis po ti thung nge ba zhig gi rtsis las lhag ma rnams 'phror lus pas da lam rnam thar skabs su zhib par 'dri ba'i rngo ma thogs/ sku cung zad ma bde ba'i rnam pa la sman sgom 'tsho byed 'brang rgyas pa sku'i 'phrod bsten du 'bod pa gnang song ba rje btsun yab dang thun mong ba'i rtsa dbu ma'i nyams 'khrid sogs zab chos 'ga' zhig gnang bzhed pa'i bsnyad btags las 'phrod bsten 'gangs can 'bul ma dgos shing gsol sman kha yar phul nas gzhi med du song na'ang zhing 'dir bzhugs bzhed med pa'i mdangs kyi gsung gleng 'ga' zhig byung tshod du 'dug kyang yar 'byor nas sku khams bde ba'i gnas tshul las de rigs kyi zhib cha ma byung / lha rje 'brang rgyas pa rdzong bda' grub rjes nas bzung sku zo mdog sngar las bzang zhing yang zor che ba'i tshul mdzad na'ang / gangs can gyi ljongs 'dir bstan pa rin po che 'chad nyan bsam sgom gyi sgo nas spel ba'i 'phrin las rgya cher grub pa dang snyigs mar spyod pa'i 'gro ba'i ngang tshul la gzhan snang tsam du nges par 'byung ba'i thugs sun snang skyo shas che zhing grangs med pa'i zhing khams rgya mtshor yid can rnams kyi don rlabs po che 'grub pa'i dus babs la gzigs te lo sngun ma'i hor zla bcu gcig pa gshol ba'i dbang du byas na hor zla dgu pa dang ba nged kyi smin drug zla ba'i 'jam mgon sa skya paNDi ta mngon dga'i zhing du gshegs pa'i dus chen yar tshes bcu bzhi'i nyin phan snyun du mngon pa ci yang med bzhin pa'i ngang nas/ rje mkhyen brtse'i gsung mgur las/ skal ldan rnams la kho bo snying nas mgu/ /de phyir dus dang rnam pa thams cad du/ /ma brjed snying gi dkyil nas gsol ba thob/ /kho bos snying nas brtse ba'i bsam sbyor gyis/ /dus kun rjes su 'dzin no skal ldan tsho/ /brgyud pa bzang po sa skya pa yis zin/ /mes po mtshan ldan tshar pa chos rjes bskyangs/ /ban rgan nga rang bslu med yin nam snyam/ /bu kun tsab tsob ma mang gsol ba thob/ /'di phyi bar dor bslus na kho bo zhan/ /byin rlabs che chung tshar pa chos rjes shes/ /'di skyid phyi mar i skyid nga rang shes/ /nga rang gang 'gro ayon padmas shes/ /chu 'go gangs la thug pa'i tshul yin pas/ /ji skad smras pa'i dge sbyor nyams len mdzod/ /ces pa'i don bzhin de nub drung du 'khod pa rnams la sngar dang mi 'dra ba'i dgyes pa chen po'i sgo nas bla ma rnams kyi rnam thar thor bu gsungs/ chos dang 'brel ba'i bslab ston shugs 'byung dang nged rang la thugs mnyes pa'i bka' 'phros kyang kha yar