grub pa'i byang chub mchod rten thog tshad phra 'phul sogs bkod pas khyad par 'phags pa/ ring bsrel rnam pa bzhi dang gnod sbyin 'khor lo khyad par dri med nas gsungs pa'i srog shing 'dzugs pa'i cho ga thams cad mkhyen pa mkhyen brtse'i dbang phyug gi phyag bzhes ltar dbon mkhyen rab blo ldan/ mchod dpon 'jam dbyangs rgyal mtshan/ dge slong sangs rgyas dbang phyug gsum gyis lag bstar/ bzhugs gnas gtsug lag khang zhig gsos la brten pa'i rgya dang dpangs bstod par bzhugs su gsol sku rten la bla chas cha 'grig /gsung rten dang gdung rten la khri/ thun mong du sa rgyan/ gnam rgyan/ mchod rdzas kyi rim pa tshar du dngar ba zla ba bzhi'i khongs su legs par grub pa la gong dkar chos sde'i chos 'chad pa rab 'byams smra ba rin cen rgya mtshos rdo rje slob dpon mdzad de gnyug mar gnas pa'i dge 'dun gyi tshogs dang lhan cig par kye rdo rje man ngag lugs kyi ras bris kyi dkyil 'khor la brten pa'i rab tu gnas pa dang rten bzhengs gandho la'i rmang 'ding ba tshang ma'i dus su 'ja' sprin/ than pa'i tshe char gyi rgyun 'bab pa sogs rgyal kun ngo bo dpal ldan bla ma dam pa'i thugs dgongs chos dbyings su rdzogs pa'i ngo mtshar mtha' klas pa byung / gnas gsar sde pa nam mkha' don dbang dang dbon mkhyen rab rnam rgyal yab sras gnyis kyis gong dkar rdo rje gdan du gzims mal sku 'dra rin po che gong mtshungs bzhengs te bla chas mchod rdzas rab tu gnas pas mtha' brten nas bla ma lha khang du bsgrigs/ 'jam dbyangs mkhyen brtse yab sras kyi gdung rin po che dbang gi rgyal po bzhugs pa'i mchod rten zhig dpal ldan bla ma dam pa de nyid kyis dgongs par yod bzhin pa'i ngang du lus pa khu lung gzhis kar gser dngul las grub pa'i khru phyed gsum tsam bzhengs par rigs kun khyab bdag rin chen bsod nams mchog grub kyis gzungs 'bul dang gsung ram pa dang bcas rnal 'byor rgyud dang 'grel pa'i sgo nas rab tu gnas te bkra shis kyi dge mtshan phyogs kun tu khyab par gyur to/ /zab chos dngas ma dkar min me lha'i mthus/ /nyer spyod blo yis mngal las phyir 'phangs pas/ /slar brtson ganggA'i ltor smin karti kaH /thos bsam smyug ma'i tshal rgyu ring zhig 'gyangs/ /thub bstan srog gi zungs su 'tsho gzhes par/ /bskul gsel gzhan ngo bsru ba'i g.yar khral las/ /ma dag zhing la nyer sun thugs kyi rtse/ /bde chen sa la spro dga' su yis bzlog /'bras dkar spungs pa'i chos sder zhal phyogs nas/ /rmad byung rnam par dag pa'i smon lam gyis/ /mtshams sbyor bdag sogs bla med byang chub bar/ /mi gtong bshes su zhal 'ches dam bcar nges/ /thos don mtshor 'phangs rdo ba bya lam rjes/ /ngal ba'i 'bras bu cam buu ma 'jog ces/ /phyi rabs dpyod ldan bskul ched gang gsan chos/ /ngo mtshar pusta kaHbsgrig cho ga bstar/ /khri stan zur bzhi DA kis nye bar bteg /dpa' bo mkha' 'gro'i bsun mas mchod sprin bcas/ /'og min zhing khams zhing gi rigs bdag tu/ /dpal ldan rdo rje sems dpar bzhengs de ci/ /thub bstan cha shas bcu gnyis yongs rdzogs shing / /mkhyen brtse nus pa'i tsha zer stong 'phro ba'i/ /bshes gnyen chos dbyings thun 'tshams gzhon nu'i phag /gzims pa'i dus kyi skal ngan kye ma hud/ /baiDUr zhun ma ltar 'phos