[A:518]pa'i ngang tshul las 'das pa de bsus pa la mched kha yar 'khrungs pa'i dang po zhabs drung bstan pa'i drung ngam bsod nams rab brtan du grags pa/ de 'og chos kyi rgyal mtshan/ de 'og thams cad mkhyen pa mkhyen brtse'i dbang phyug chung ba nor bu bzang po rnams las gcen dang gcung rnams ni sgyu rtsal drug cu rtsa bzhis gtsos lugs dang 'brel ba'i yon tan gyi mthu phul du byung zhing rje btsun sgo rum pa chen po dang rdo rje 'chang tshar pa chos rje sogs sngags gsar rnying gi mkhas grub du ma'i zhabs rdul nye bar bsten nas zab chos mang du gsan cing de'ang tshig tsam du ma lus par bskyed rdzogs kyi rnal 'byor bsnyen cing sgrub pa rdo rje chos skyong rnams phyi nang gsang ba'i mchod pas thugs dam skong ba'i mdzad pa sogs sde dpon phal pa'i spyod tshul dang ye mi 'dra ba'i gong ma'i zhabs rjes zin pa thub pa'i ring lugs 'dzin no cog la dag pa'i snang ba dang ldan na'ang rang bstan kha'u brag rdzong pa'i bla ma dang chos las bstan dang ston pa gzhan nas mi 'tshol ba'i dam bca' brtan po spang la be phur btab pa'am rdo la ri mo bris pa lta bu'i dam pa'i ngang tshul dang ldan pa sha stag yin no/ /e ma gangs can dpal mo'i mngal yangs por/ /bsod nams 'bras bu'i khur gyis rab lci ba/ /rigs gsum sgyu dra'i gar mkhan mi yi bdag /chad me mtho ris chu bo'i spun zla bzhin/ /ded dpon 'od gsal lha babs 'a zha'i gdung / /che gnyan btsun gsum 'dzom pa rgyal po'i brgyud/ /mthu stobs nus par ldan pa rig sngags 'chang / /dpa' rtsal