[A:524]dang rdo rje gdan pa gnyis zhal sprod du bzhugs sar byon pa na rdo ring rin po ches chos rje pa kha sang nas gar byon gsungs pa jo nang 'jam sgeg ces par chos shod kyi bsdad zhus pa'i tshe rdo rje gdan pas rdzun ma gsung gnas gsar chos rje yin gnang ba'i lan rje rdo ring pas gnyis ka mad khong yar klungs pa'i dus su 'jam sgeg da lta gnas gsar chos rje yin/ zhes dang / gsung mgur du/ ayon thugs rje'i smon lam mthu btsan pas/ /rdo rje 'chang chen tshar pa chos kyi rjes/ /mi nas mir gyur skye ba lnga yi bar/ /rjes bzung byang chub mchog gi sa bon bzhag /ces byung ba ltar tshar chen rnal 'byor dbang phyug yar klungs par 'khrungs pa'i tshe snyan brgyud kyi gdams pa gnang bar gsol ba btab pas brag rdzong ma'i 'khrid yig tu skye ba gsum gyi gong nas gsol btab cing / /tshe 'dir longs spyod sgrub pas mnyes par byas/ /dad dang snying rje shes rab mi dman la/ /kun spangs chos rje'i bstan la lhag par dad/ /ston dang bstan pa gzhan nas mi 'tshol bar/ /ci mdzad khyed shes mos gus lde mig gis/ /gsang chen thugs kyi bang mdzod sgo phye nas/ /snyan brgyud yid bzhin nor bu kho bos rnyed/ /ces pa'ang 'jam sgeg /bhra ma nA tha/ a seng rgyal mo gsum rim par byung ba la dgongs la/ kun khyab chos dbyings ma las/ bcu gsum skye bar mkhas dang grub pa dang / /zhu byed sgyur byed rig sngags 'chang ba'i tshul/ /du mar sprul nas sems can skyong mdzad pa/ /zhes pa'i bcu gsum po ngos 'dzin tshul kha mtshon gcod dka' na'ang