[A:525]'di bzhin yin nam snyam/ zhal gzigs sogs ngo mtshar ba'i mdzad pa rnams ni tshig gcig tsam yang rlung phyogs su ma grags par bsnyel tho phyag bris ma zhig snang ba'i kha yig tu/ sprang btsun 'khyams po'i gsang ba'i gtam 'di dag /ji srid 'tsho yi bar du kha tham rgya/ /snying nas dad ldan re re tsam la bstan/ /des kyang snying gi dkyil du a tham rgya/ /bla ma sangs rgyas dngos dang mjal ba dang / /man ngag rgyud sde'i snying po zab ches pas/ /snying rus med kyang bla ma'i sku drin gyis/ /rang la ngo mtshar yid ches byung tshul yin/ /zhes kha byang btab nas tshas dang bcas rgya 'byar du zha lu shel tham gyi sgam mkhan po ma bzhugs par kha 'byed srol med 'dug pa der bcug pa de'i ngang la bo dong du gzugs sku chos dbyings su bsdus pas rjes su mkhan po rtsis sprod kyi dus tham sgam nas byung bar lung med kyang rdo rje 'chang dbang phyug rab brtan gyis 'go mjug gi thugs rtsom 'ga' zhig mdzad par lung rgyun kyang 'dug la/ rnam thar 'di dpe rgyun dkon gshis rgyun mi nub par bya ba'i slad du gsung dri ma med pa yi ger bkod pa ni/ na maHbadzra dhA ra dznyA na da ye shwa ra pA dA ya/ 'phags yul auDDi ya nar padma'i mtshan/ /byang phyogs bho Ta'i gnyen gyur khri srong zhabs/ /snyigs dus rgyal ba'i rgyal tshab chos kyi rje/ /dbyer med mkhyen brtse'i zhabs pad gtsug na rgyal/ /de la 'dir lha dang bcas pa'i 'jig rten pa kun gyi gtsug gi nor bu/ snyigs dus kyi 'gro ba ma lus pa thar pa'i gling du 'dren pa'i sa mkhan/ dus gsum rgyal ba kun gyi mkhyen brtse gcig tu bsdus pa'i spyi gzugs/ sras bcas rgyal ba'i yab