[A:529]phyogs na 'dul zhing legs po yod pa dang chos ha cang mi dar bas der phyin na phan pa rgya che na'ang / da lam la phar la ma 'byon/ lo kha yar zhig 'di tshor bzhugs la/ chos bka' nub nye ba 'di pa gsos phan sems rgya bskyed nas gzhan la chos mang du shod/ 'di skad byas na rang gzhan kun la phan phyir dpe cha med pa kun bris/ yod pa kun ltos/ chos thob pa thams cad bed med la ma bzhag /chos bka' dam po byed zer/ nor med pa la mi ster ba dang chos la dpe mkhyud byed mi nyan pas/ sems bskyed rgya chen pos kun nas blangs pa'i chos nyan pa dang / dpe gzhan la spel ba dang / de'i don rang rgyud la sbyor ba rnams mdzod la/ rim gyis rgya gar nub phyogs su byon/ nged spun gsum yang khyed gar 'byon sar yong ba yin gsung pa la/ de skad zhu ste/ chos nyan sa yang mi rnyed/ rnyed na yang zhu sa yang mi yong / ngas chos bshad kyang nyan mkhan ni mi yong ste/ da lam thabs mi gda' bas sdod lags zhus pas/ rta rdzi ngo nag thing byas rta dang bcas pa nub phyogs phar la 'ur sgra dang bcas nas 'phur song ba dang gnyid sad pa mnyam du byung ngo / /sa sprel zla ba dang po nas rkang pa'i nad de langs nas/ re mig la zla ba gnyis pa'i tshes bzhi la 'gro smon can du phyin/ gcod bka' ma dang gsang ba rmad byung sbrags nas nyams len gang lcogs byas pas zhag gcig nas rkang pa nas 'drud pa dang khyi nag pos rmugs pa sogs bsdigs ri dang / bud med mdzes ma sngar ma mthong ba'i byad bzhin dang / gos rgyan phun sum tshogs pas