[A:533]par gnang / dpe ris tshon rdzogs byas pa'i legs po mang po bstan nas mdzub khrid mdzad/ khyad par thod pa zhal dbye dang ru mtshon la zhi rgyas mang po gnang ba zhig rmis/ gnyid sad nas kyang shin tu gsal ba 'dug pas zin bris byas na thub nges 'dug ste/ dga' mo zhig thos pa'i ltas yin snyam pa las ma byung bas yi ger ma btab/ de nas me tog ran pa dang phar 'gro rtsis kyis skor yang la btab ba dang pha gi nas zhi bar gshegs pa'i gsang brtol gyi mi gnang ba lam du 'phrad log byung / bar do ye shes kyi skus rjes su bzung bar gda' bas bka' drin che/ chu phag sa ga zla ba'i tshes bcu bzhi'i nyi ma dros chen tsam la lam zab kyi de kho na nyid la blo bzhag pa'i ngang la gnyid du song ba na nang thams cad 'od dmar ser li khri 'dra ba zhig gis khengs nas phyi nang thams cad gsal ba'i khrod nas 'ja' tshon kha dog lnga ldan las grub pa'i yi ge dbu chen mtho re tsam byas pa'i rje sa skya pa chen po'i rnam thar ding sang yongs grags rnams las ches zhib pa zhig yig 'phreng du yod pa so so'i sgra sgrog pa zhig 'dug /de la dad gus byas tshig rnams sgrogs/ sgra de'ang snyan bzhin pa'i ngang nas sa skya pa chen po'i zhal ras gdong dkyus ring po la sha dkar la snum pa zhal chen po 'dzum bag can ga ther byas pa zhig yod de snyam mig sngar lam lam yod pa la/ dad gus kyi mchi ma 'chor ba zhig gi ngang nas gnyid sad do/ /chu phag zla ba lnga pa'i tshes bcu'i tho rengs rmi lam du bo dong rdzong gi nyi 'od 'khyil pa yin snyam pa zhig na a pha lags drung na bza' ring 'gag dkar po gsar pa zhig gi steng na ras sngon