[A:534]por 'od dang 'phro bzhi'i sku gzan bzhes raka sha'i 'phreng ba zhig bsnams nas bzhugs 'dug pa'i drung du slebs/ snga phyi'i lo rgyus mang po zhus pa'i mthar bdag 'tsham por gnas khyed gar thegs da nged tsho ci tsug byed zer zhing mchi ma gtong gin zhus pas ma bshum khyed tsho a pha rkyen gyis shi bar byed kyi gda' ste de 'dra min/ sku tshe rdzogs nas lo lnga song ste sngags kyi dam bca' zhig ma thems pas bsdad pa yin pas de thug bsdad pa'ang ya mtshan che/ da lam a pha lcang lo can du slebs gsang ba'i bdag po la theg pa chen po'i chos kyi dga' ston rgyun chad med par myong nas myur du 'tshang rgya bar yod/ khyed rang yang lcang lo can du skyes nas sems can du ma'i don byed par 'gyur/ de'i slad du dge sbyor 'di gyis gsungs nas nam mkha' la je mthor 'od cig la bzhud song bas drung lags zer 'bod 'phro la gnyid sad do/ /lo de'i zla ba drug pa'i nyer gsum nas rje btsun rdo rje 'chang gi dus chen sgrub mchod btsugs pa'i tshe/ bug sgo'i nang na nged gnyis las med/ thig sus kyang slob ma myong / phyi nas 'bod kyang ma bde bar gang drag ci drag la song skabs/ thig kyang mi shes pa'i rdo rje slob dpon du khas len pa'i blun po snying kham can nga 'dra snyam dus/ gsol ba btab pas thig rtsa zhig blo la lam lam byed nas brgyab pas thig shin tu legs/ de'i dkyil 'khor des mar me bzung / zhag bcu gsum bzhag kyang rdul ye ma blangs so/ /zla ba bdun pa'i tshes brgyad nas zhing gshegs kyi dus mchod la/ 'khor lo chen po'i sgrub mchod sbyin sreg dang bcas pa byed kyin yod dus/ sbyin sreg gi skabs na dogs pa 'dra