[A:546]rje yab yum mdog kham nag shin tu 'jigs pa spel dkar dang mnyam pa zhig la dngos su bka' bsgo gnang gsung / rje nyid zhing 'di'i mdzad pa legs par mthar phyin nas gzugs kyi sku'i bkod pa chos kyi dbyings su bsdu ba'i tshul ston par mdzad tshe/ mdun gyi nam mkha' la ayon chos kyi rgyal po/ rdo rje 'chang kun dga' legs pa/ rje btsun blo gsal rgya mtsho/ sprul sku bdud 'joms rdo rje/ gu ru chos kyi dbang phyug rnams phebs byung gsung ba dang / de skabs su drung na bzhugs pa'i phyag phyi rnams la khyed rnams kyis nyi ma 'di kha dog ji 'dra zhig tu mthong / ngas ni nyi 'od thams cad 'od gzer kha dog sna lngar 'dug gsungs/ de ci lags zhus pas/ sbyor drug bsgoms pa'i yon tan rnam kun mchog ldan gyi stong gzugs shar bar 'dug gsungs/ yang mkha' 'gro ma kha dog sna lnga so so'i sku mdog dang mthun pa'i seng ge la chibs pa rigs lnga dngos su byon nas spyan 'dren par brtsams pa na/ de nyin bu slob rnams kyis brtan bzhugs phul nas bzhugs gsol btab pa na mkha' 'gro rnams kyang slog yod gsungs nas zhag bdun bar bzhugs pa'i mthar/ 'brug lo zla ba lnga pa'i nyer gcig gi mkha' 'gro 'du ba'i dus kyi cha la/ gong du brjod pa'i bla ma rnams dang yi dam zhi khro rab 'byams kyi lha tshogs mngon sum du byon/ dpa' bo dang DA ki'i tshogs kyis gdugs dang rgyal mtshan la sogs pa mchod pa'i tshogs bsam gyis mi khyab pa dang bcas pas spyan drangs/ lha