[A:547]dang rig pa 'dzin pa kun gyis mdun nas bdar/ sangs rgyas dang byang chub sems dpa'i tshogs kyis sdun nas bsus/ 'jig rten skyong ba rnams kyis zhabs nas bteg /lha dang lha mo'i tshogs dpag tu med pas me tog gi char 'bebs shing 'ja' dang 'od kyi lam nas dag pa'i zhing du gshegs par gyur to/ /kye ma yab rje rdo rje 'chang dbang de/ /rtag par zhen tshe chos dbyings ngang du gzims/ /chad par rlom tshe sgyu ma'i gzugs skur bzhengs/ /kye ma kyi hud thugs rje'i bdud rtsis skyongs/ /khyod sku nyin byed chos dbyings nub ri'i rtser/ /gzims tshe 'gro rnams lag gi ku mu da/ /'gram pa'i chu mtshor brten pa ngal ba'i lus/ /zhing 'dir khyod sku'i ngang tshul brdas bstan nas/ /da ni srid zhi'i cho 'phrul sgyu ma'i gar/ /gnyug ma'i ngang nas ro snyoms g.yo med bde/ /khyod sku dag pa'i rang zhal dbyings su mjal/ /a ho snying la bdud rtsi'i ngal gso byin/ /ces brjod nas/ dam pa 'di nyid kyi gsang ba'i rtogs pa brjod pa'i gtam/ so so skye bo dag gi spyod yul ma yin pa gong du brjod pa dag gis tshad mas grub pa yin mod/ 'on kyang 'di tsam gyi gsang tshig kyang kun gyi blor mi shong ba'i snod ldan re re rnams kyi spyod yul du bya zhing / 'dis mtshon pa'i gsang ba bsam gyis mi khyab pa zhig yod mod/ 'dir brjod par ga la nus so/ /dam pa khyod kyi ngo mtshar gsang ba'i gtam/ /bgrang yas rgyal bas bskal par mi gsung na/ /deng 'dir