[A:554]kha gsum la dpal ldan sa skya pas mnga' sgyur ba'i tshe shangs khri skor gyi nang tshan dang gnam gyis bskos pa'i dpal phag mo gru pa'i dus rdzong chen bcu gsum du grags pa pho brang chen po rin chen spungs pa'i chab 'bangs su gtogs pa gnubs khu lung zhes sngon dpal bsam yas mchims phur slob dpon chen po padma sam bha was sgrub pa bka' brgyad kyi dbang bskur ba'i dus rje 'bangs dgur grags pa'i sku 'jam dpal gshin rje'i dkyil 'khor du me tog phog pa gnubs sangs rgyas ye shes rin po che sogs skyes chen du ma 'khrungs shing khyad par khu lung pa yon tan rgya mtshos mtshon gnubs kyi sngags 'chang rim par byon pa'i bsti gnas rje mi las lha rje gnubs chung par drag sngags gza' gdong dmar nag zhus nas hUM shi phaT sgyel gyi mthus sku dgra'i tshogs chom la phab cing byang khar paN chen rin po che shAkya shrI'i brgyud 'dzin bstan pa'i rtsa ba so sor thar pa'i 'byung khungs chos lung tshogs par grags pa'i sde tshugs pa/ lho byang gi yul gru rnams kyang / rtogs brjod rin po che las/ gser gyi ba gam gzhal yas khang / /khang pas bskor ba'i grong khyer ni/ /'od ldan zhes bya bsod nams nas/ /'od ldan mtho ris lta bu yod/ /ces margad gos su klubs pa'i spang ljongs me tog rnam par bkra ba sna tshogs pa'i 'bru rigs kyi snye mas yongs su dud pa'i zhing gi phyogs mtshams su ljon shing gi 'phreng bas kun nas dkris pa/ grong dang grong brdal gyis khyab pa 'chi med kyi