[A:555]dga' tshal la co 'dri bas/ me long mar/ skyed tshal 'phreng 'di bu mo bzhin/ /mdzes ldan sA la kA na na/ /zhes yid du 'ong bar gsungs shing thag ha cang mi ring bar pakShu'i klung chen po 'bab pa ni/ klu kun tu dga' ba'i zlos gar du/ li shi'i yal 'dab dag ni zos gyur pa'i/ /lag ldan chu yi sgregs pa'i dri bzang gis/ /chu dang ldan pa rgya mtsho'i rba rlabs 'di/ /rin cen 'od zer dag gis spras te mdzes/ /zhes mtho ris lha'i chu bo ma dag pa'i dri ma 'khru ba la ring du chas pa lta bu/ ba da ra'i gling bgrod kyi rtogs pa brjod pa'i yal 'dab las/ rtse mo shin tu mtho ba yi/ /shel gyi sa gzhi mdun du mthong / /bya rnams kyis kyang bgrod dka' na/ /'jam pa'i brag ni gcig pu der/ /zhes lho byang gi ri bo rnams mkha' la bsnyeg pa ltar mtho zhing shel dkar gyi brag ri bcal du bkram pa dang la lar spang dang rtsi shing nags tshal mngon par dkris pa'i yul gyi cha khu lung gzhis kar yab dgung lo nyer bzhi dang yum bco brgyad kyi bgrang byar babs pa'i tshe 'phags yul du stod 'grel pa'i lugs la sho bha na zhes phyogs 'dir mdzes byed duu grags shing 'jam dbyangs gong ma'i khab tu gu'i ma'u zhes chu mo yos kyi lo dus ni/ 'phags skyes po'i rtogs pa brjod pa'i yal 'dab las/ de nas yid srubs longs spyod grogs/ /sbrang rtsi 'thung ba rnams kyi gnyen/ /skal bzang 'khri shing 'khyud byed pa/ /legs