[A:556]ldan dpyid ni mthong bar 'gyur/ /zhes spyir 'dul mngon dus 'khor nag rtsis rgyal po lo gsar sogs lo 'go 'dzin lugs mang na'ang rgya rtsis rnying ma la bcu gcig pa dpyid zla ra ba stag tu ngos 'dzin pas kun yid dga' ston ster ba legs ldan dpyid kyi dus la babs pa mArga shI ra zhes pa hor zla bcu gcig pa'i dmar cha'i gang ba gsum pa mkha' 'gro 'du ba nyer dgu res gza' zla ba/ skar ma sogs pa/ nyi shar bum pa'i dus sbyor gyi tshe yum la bsnyun mi mnga' ba'i ngang nas lte ba'i ga sha gsum rim du dkris te a zhes pa'i rang sgra dang bcas sku 'khrungs/ de'ang kun mkhyen bu'i gsung skyor lung pas drangs par/ don dam gshis kyi gnas lugs la/ /rtsis dang 'bras bu'i spros pa bral/ /tha snyad las 'bras mi slu bas/ /dge ba'i 'bras bu bde ba dang / /sdig pas sdug bsngal sbyin par byed/ /gza' skar bde sdug byed po min/ /byed can bcu gsum mu stegs smra/ /de ni log pa'i kun rdzob yin/ /tha snyad slu med bden pa ru/ /rtsis tshul nges par 'dzin dgos te/ /dper na tha snyad dbang bskur dang / /cho ga lha grub byas pa yis/ /don de 'grub par sangs rgyas dang / /paN grub rnams kyis gsungs pa bzhin/ /rtsis tshul rgyud sde mdo mang por/ /rtsis tshul byed par gces par gdams/ /zhes zla ba bsod nams kyi gza' btsan phyug dang ldan zhing / sog pa chos ldan thos shing las kun mkhas pa sogs rten 'brel gyi sgo 'phar 'grig pa ni/ mdo