[A:567]zla ba sngon mar grags pa gza' skar sbyor byed phun sum tshogs pa'i skabs yon tan rin po che ma lus pa 'byung ba'i gnas dpal e waM chos ldan gyi gtsug lag khang du mi 'phrogs pa'i mkhyen rab dang dmigs pa med pa'i thugs rje chen po mnga' zhing brtan mkhas kyi yon tan gnyis dang ldan pa'i gnas brtan 'dul ba 'dzin pa chen po bcas pa phra mo las kyang mi 'da' bas tshul khrims kyi dri bsung phyogs brgyar khyab pas 'phags pa nye ba 'khor sa 'dir 'phos pa lta bu don gyi slad du mtshan nas smos te thams cad mkhyen pa sgrub khang pa dpal ldan don grub kyis mkhan po/ sngon rje mnga' bdag gi dus rgyal po'i bla sman stod na bi ji cher rje 'ug pa gsum/ bar na mi nyag brang ti g.yu thog gsum/ smad na gnya' dang mtha' bzhi stong dang gsum ste dgu'i nang nas mchog tu gyur pa brang ti'i rigs las mkhas btsun grub pa'i dbang phyug thar pa rtse ba nam mkha' sangs rgyas pas las kyi slob dpon/ dpal ldan sa skya'i shar nub gung gsum du grags pa'i shar pa rdo rje 'od zer/ thams cad mkhyen pa ye shes rgyal mtshan sogs bstan 'dzin rim par byon pa'i dbon gnas brtan 'dul ba 'dzin pa shes rab 'byung gnas pas gsang ste ston pa'i slob dpon/ dus bsgo ba sgrub khang mnga' ris pa nam mkha' dpal ldan sogs dad pa'i dge 'dun grangs tshang ba'i dbus su chos rje thams cad mkhyen pa bu ston rin po che'i las chog gi phyag bzhes sla chos dang rung mthun