[A:572]thog tshad ma skya ris grub cing tshon 'go tshugs tsam la lus par kha skong cung zad dang bcas grangs sum cu tham pa gong gsham zhal khebs tog ldan legs par bsgrubs par kye rdo rje'i dkyil 'khor la brten nas rab tu gnas pa rgyas par gnang de nas gsung ngag brgyud pa'i zhal thang gra tshang bsnams te gtsang du thegs pa'i lam nas ngor du mkhan chen dpal ldan don grub/ brang ti pa nam mkha' sangs rgyas/ shar pa shes rab 'byung gnas gsum dang mjal zhing bris thang la phyag nas zhu ba mdzad/ rim gyis 'dar stod bla ma'i gdan sar phebs/ rje rdo rje 'chang la phyi nang phyag rdzas yod dgu lta bu'i 'bul chen dang bcas gsung ngag brgyud par dam tshig pa la ye shes pa 'jug pa'i phyag nas zhus/ de nas bdag tshe dang sgrub pa mnyam pa'i bug sgo 'dam sbyar byas chog pa'i gsol ba btab par/ khyod kyis sgom sgrub gcig pu mdzad pas ga la khyab/ thos bsam 'chad nyan bya ba las kyi 'khor lo sogs tshang ma mdzad na bstan 'gro'i don rgya cher 'grub tshul bslab bya lung bstan gyi tshul du gnang bar brten bla ma dam pas ji ltar bka' stsal pa bzhin snying stobs kyi mthu phul du byung ba'i dam bca' brtan pos de ltar bsgrub par zhal gyis bzhes so/ /thos bsam sgom pa'i nor bu gzhon nu'i dus/ /blo gros gdengs ka'i rtse mor gzi 'bar bas/ /mkhas btsun grub mchog klu yi dbang po'i gdung / /rgyud sde'i dgongs pa ji bzhin sri zhur bskrun/ /rab mdzes sa zla'i 'od 'phro mchod sdong che/ /rab tu brtson pa'i mthu