[A:573]las nyer bstar tshe/ /rab 'byams rgyal kun bzhu blugs kyis bstim pas/ /rab yangs mkha' la ngo mtshar gzigs mor che/ /thugs gsang dpal gyi be'ur dbang gi chu/ /ma nub g.yas su 'khyil ba brgyud pa'i 'phreng / /snang srid ri mor 'dri la zla med pas/ /bskrun tshe sgyu ma'i khengs pa thung ngur byas/ /dregs ldan langga'i stobs las mi 'jigs pa'i/ /rnam dpyod yangs pa'i nyag phran rtsal che yang / /yongs 'dzin raghu'i bka' las mi 'da' ba'i/ /rgyal sras spyod pa'i khur khyer dga' byed lha/ /shing pho byi ba'i lo 'gro ba'i bla ma shAkya seng ges dpal ldan 'bras spungs kyi mchod rten chen por chos kyi rgyal po zla ba bzang po la dang po'i sangs rgyas dus kyi 'khor lo'i rtsa ba'i rgyud stong phrag bcu gnyis pa bka' stsal ba'i dus nag pa zla ba'i gza' tshes dus sbyor bzang bar dbu btsugs zla ba brgyad la nye ba'i bar lam thun mong ba snang ba gsum sems bskyed chen mo/ rgyu dbang / lta ba 'khor 'das dbyer med/ phyi skyed pa'i rim pa'i 'khrid/ lam dbang / nang lus kyi bskyed rim/ lam/ lta ba/ grub mtha'/ 'da' ka ma/ bar do/ rmi lam/ sgyu lus/ dbang phyi ma gsum gyi 'khrid/ rdo rje bdag med ma lha bco lnga'i dbang / lam zab/ bir srung phyi nang / sgrub pa lung sbyin gyi mtha' brten pa la de dag la dgos pa'i so so'i skabs kyi rgyab brten lung dang bcas pa gsung ngag rin po che slob bshad tshad ma bzhi ldan rjes 'brang gi mkhas grub phal cher la ma grags pa'i snyan nas snyan du