[A:574]brgyud pa'i zhal shes kyis brgyan te rje btsun dam pa 'di nyid kyis dbu mdzad snod ldan gyi slob ma nyi shu rtsa gsum la smin rgyas su stsal bas rje mkhyen brtse'i gsung mgur las/ dus da res dam chos sgor zhugs kyang / /chos tshogs bshad sbun pas g.yengs pa'i tshe/ /rje khyed kyi thugs kyi rgya mtsho las/ /lam zab mo snyan brgyud rin chen stsal/ /da khyed kyi byin rlabs kho na yis/ /bdag rtse gcig dam chos sgrub 'dod shar/ /tshe 'di phyir skyid pa'i gtan brling khel/ /chos zab zab gzhan la sems ma shor/ /don snyan brgyud gdams pa'i bdud rtsis myos/ /lar shi yang mi 'gyod gdengs shig thob/ /ces gsungs pa ltar ro/ /gzhan yang snga phyir zab cing rgya che ba'i chos mtha' klas pa gsan pa'i rags rim tsam 'dir bsdoms te brjod na/ dus 'khor/ bde mchog /mkha' 'gro rgya mtsho/ sangs rgyas mnyam sbyor/ yang dag mar me dgu pa/ ma hA mA ya/ phyag rdor 'khor chen/ phag mo lha so bdun/ bcu gsum/ lha lnga ma/ klu sgrub lugs kyi phyag rdor gtum chen lha nyer gcig pa/ gsang 'dus 'jam rdor/ dgra nag zhang lugs/ gtsug tor dri med/ 'od zer dri med/ gdugs dkar lha zhe gcig /rnam 'joms ma Ni ka lha bcu dgu/ dkar pos ba ri lugs lha bco lnga/ 'chi med rnga sgra/ mgon po sngon 'byung gi le'u nga gnyis pa nas bshad pa'i mgon po zhal bzhi phyag bcu drug pa yum lha mo brgyad kyis bskor ba/ dze tA ri'i tshe dpag med rnams kyi dbang / gshed dmar lha lnga'i dbang byin rlabs