[A:578]ba dang drag dmar gyi dbang chen/ rnam sras mdung dmar can/ phyag rdor dregs 'dul/ 'jam dbyangs bla ma'i rtsa gsum rnams kyi dbang / rigs 'dzin yongs 'dus kyi rtsa dbang sgos dbang dang thor bu/ tshe dpag med ye shes 'od mchog /drag po dbu dgu rnams kyi dbang dang chos skor yongs rdzogs kyi lung / rin chen gling pa'i nA ga raksha'i byin rlabs/ o rgyan gling pa'i stag zhon gyi dbang lung yongs rdzogs/ gsang 'dus mi bskyod rdo rje'i rim lnga'i nyams 'khrid/ thugs rje chen po tshem bu lugs/ blo sbyong don bdun ma/ sum pa lo tsA ba'i blo sbyong rnams kyi 'khrid/ rje thang stong pa'i tshe dpag med 'chi med dpal ster gyi tshe dbang sogs zab rgyas kyi chos ji snyed pa gsan pa de dag kyang gsan lo tsam ma yin pa'i sngags gsar rnying / rgyud sde phyi nang gis gtsos par so so'i lugs kyi gnad 'gag mtha' dag thugs su chud par mdzad/ khyad par gsung ngag /gser chos bcu gsum/ mgon po che chung sogs 'jam mgon sa skya pa'i yab chos thun mong ma yin pa rnams kyi zhal shes man ngag yi ger ma 'khod pa dang yi ge tsam gyis rtogs mi nus pa thams cad la phyag len dmar 'khrid mdzub btsugs su zhib mor dpyad pas the tshom cung zad kyang mi dgos par 'di ni 'di'o zhes thugs kyis bskyud pa ni nam yang mi mnga'/ chos phyir dka' spyad byang chub sems dpa' rtag tu ngu'i rjes su 'gro zhing / ji skad du/ sbrang rtsi 'dzin pa sbrang rtsi'i brtul zhugs can/