[A:579] /sbrang bu min pas sbrang rtsi'i bcud ma myong / /gzhung lugs smra ba kun dga' rgyal mtshan dpal/ /bzang po min pas shes bya'i bcud ma myong / /zhes 'jam dbyangs sa paN gyi gsung ltar rje bla ma la slob ma skar tshogs ltar mang na yang snyan brgyud gdams pa yongs su rdzogs pa'i thugs kyi nying khu bum pa gang byo'i tshul du gsan pa ni bla ma dam pa 'di nyid dang / de dang cha mthun pa ni glang phu nas chos rje tsam du mngon/ 'dar grang mo cher kha'u brag rdzong pa'i lugs srol thun mong ma yin pa'i shing rta'i srol phye nas 'dzin par mdzad pa'i rje btsun brtse ba chen po'i rnam sprul bdag chen rdo rje 'chang blo gros rgyal mtshan/ grub pa'i dbang phyug bram ze mchog sred kyi zlos gar rje btsun rdo ring pa chen po/ mkhas dang grub pa'i dbang phyug sgo rum pa chen po/ ma byon sangs rgyas gsum pa kha che paN chen gyi rnam sprul tshar chen chos kyi rgyal po 'phags mchog shA ri'i bu'i sgyu 'phrul rol pa kun mkhyen mkhyen brtse'i dbang phyug /snyan brgyud rgya mtsho'i ded dpon mkhan chen bslab gsum rgyal mtshan/ grub chen ku ku ri pa'i yang srid khyab bdag dbang phyug rab brtan rnams kyi bris sku bzhengs par rdo rje 'chang la phyag nas zhu ba gnang / myug bkra shis rgyal khang gi gtsug lag khang du thams cad mkhyen pa mkhyen brtse'i zhabs kyis zhal bkod dang sbyin bdag sde pa gnas gsar bas mdzad pa'i gsung ngag bla ma brgyud rim sman sku mda' tshad ma zhe mtshungs bzhengs nas bzhugs