[A:585]bzung nas shes bya'i gnas mtha' dag la chags thogs mi mnga' zhing khyad par gsung ngag rin po che slob bshad kyi skor la rtsal du bton pa'i bdag chen rdo rje 'chang yab sras kyi ring lugs srol 'dzin bla na med pa yin rung / sku'i skye ba klu sgrub chos kyi rgyal mtshan du grags pa sprul sku kun snying par thugs dad de log pa'i bshes kyi mthus rang bstan spel ba'i gong ma'i rnam thar ma 'khyongs kyang ma nas mdo sngags kyi gsan pa rgya cher mdzad cing / khyad par sprul pa'i sku mnga' ris pa chen po dang khri srong rnam sprul dpal bkra shis stobs rgyal gyis gtsos dam pa du ma'i zhal slob/ bla chen sngags 'chang tshe ring dbang po yongs 'dzin du bsten pas sngags rnying ma'i phyogs la gsan rgya che gshis snga 'gyur gtso bor bton pa'i zab chos mang du gsan pa ni byang gter rigs 'dzin gdung sgrub kyi chos skor/ gter ston gyi rnam thar/ thugs sgrub drag po rtsal gyi dbang lung / rdzogs pa chen po rang byung rang shar gyi nyams 'khrid lung bcas/ bka' brgyad rang byung rang shar gyi chos skor/ phur pa che mchog dang drag sngags gnyis kyi dbang / lugs gsum ga'i lung / lha chen stobs 'dul gyi chos skor/ stag zhon gyi chos skor bka' gter/ zhal chems lung bstan gyi skor/ rdor legs kyi srog dbang lung bcas/ gter ston bal po a hung gi dzam la nag po'i chos skor/ sprul sku tshe brtan rgyal mtshan gyi bla ma rdo rje 'chang gi dbang lung / yang