[A:586]gsang yaksha me dpal dbu dgu phyag bco brgyad pa'i dbang lung / gzhan yang las phran thor bu/ kun skyong gling pa'i rdor sems snying thig gi chos skor/ padma las 'brel rtsal gyi mkha' 'gro snying thig gi dbang lung / padma gling pa'i tshe dpag med rdor phreng gi chos skor gyi lung / phyag rdor dregs 'dul gyi chos skor/ gu ru drag dmar thems med kyi skor/ ratna'i rta mgrin gsang 'dus kyi chos skor nas thor bu/ bstan gnyis gling pa padma tshe dbang rgyal po'i 'jam dpal gshin rje drag sngags kun 'dus kyi dbang lung la sogs pas thugs rgyud yongs su gtam/ rje 'di nyid/ glang phu chos rje/ zha lu mkhan rin po che gsum zha lu ri phug dang 'dar du snga phyi rdo rje 'chang gi sku zhabs su chabs cig par bzhugs nas dam pa'i chos kyi gsan bsam rgya cher mdzad pa'i dus khyed gsum rdo rje'i mched po zla med pa yin pas dbon gyis sa lugs/ glang phu rje drung gis rnying lugs/ sman khang nas kyis bu lugs rnams gtso bor bton pa'i thos bsam byas pa sogs chos rgyun gcig la med pa rnams gcig gis bsabs pa'i nyan bshad byed dgos zhes gsungs pa ltar glang phu nas chos rje rin po che 'jam dbyangs chos skyong dbang phyug zhal ngo gong ma rnams kyi dus nas kha'u skyes lhas pa'i ring lugs la dbang rnon chos rjes 'brang ba'i dad pa brtan pos sbyin bdag lhur len pa'i rgyun dang chos rje nyid sa skya pa'i bstan 'dzin chen po 'gran zla med pas chos gsan pa'i yul du gyur pa nas thog mar chos 'brel ci rigs gsan cing rting sor gsan pa