[A:589]gnas tshul byung bar brten bdag rgan po'i dge sbyor bcag pa las rin po che pa sku na gzhon zhing mkhyen pa'i klong yangs pas der zhus shig pa'i skabs dbye ba bka' bzhin sgrub pa'i ched du grang mo che'i gtsang po byang kha bla brang rdzong du yongs rdzogs gnas lnga rig pa'i paNDi ta chen po thams cad mkhyen pa ngag dbang chos kyi grags pa'i zhabs drung nye bar bsnyen te rje btsun rdo rje btsun mo'i gnang ba thob par brten nas slob dpon 'jigs med 'byung gnas zhabs kyis rgyud sde bzhi'i dkyil 'khor mtha' dag spyi bka'i tshul du dgongs pa bkral ba phreng ba skor gsum mdzad pa dang phyogs mtshungs par slob dpon chen po darpan A tsarYas kr-i yas munytsa mdzad pa gnyis kyi dbang gi chu bo sa bzang 'phags pa nas gcig tu 'dres pa rdo rje 'chang e waM pa kun dga' bzang po brgyud par bcas pa'i phyag bzhes nyams pa med pa phreng ba zhe lnga ma'i dbang / kun rig dang bsrung ba lnga'i dbang / sa skya pa chen po dang slob dpon rin po che'i bka' 'bum/ glang ri thang pas mdzad pa'i blo sbyong gi rtsa ba rin po che rta ra ba'i rnam thar sngags 'chang nyid kyis mdzad pa sogs snga phyir chos mang du gsan no/ /grangs med 'gro ngor gcig las du ma'i gar/ /snang tshul rgyud sde bzhi yi lhar shar 'ga'/ /lo paN bzhed pa ma nor sgrub mchod srol/ /legs btod snying po'i ring lugs srog gi zungs/ /phag mo'i byin rlabs tsam la dbang bskur du/ /re ba'i dug bral nA ro mai tri yi/ /bzhed gzhung sman gyi chu bo arga'i rgyun/ /sbreng ba'i rngog ston a gastya yi spun/ /'gro kun bde ba'i dga'