[A:590]ston la sbyar nas/ /'di phyi'i don gnyis yongs grub bka' gdams kyi/ /zab chos jo 'brom nying khu lha bzhi'i khrid/ /khyod thugs rin chen za ma tog tu bskyil/ /klu sgrub snyan grags g.yu dmar 'dab 'phreng rgyan/ /sgra 'dzin mun pa'i mal nas slong ba la/ /ltos min snga 'gyur sgron me lam bzang gzugs/ /gzigs la dgyes pa'i zhal 'dzum tshar du dngar/ /'jam dbyangs 'khon ston chos tshul kunda'i tshal/ /skyong la thos bsam sgom par dbang phyug zlas/ /mgon khyod mnyes byed theg mchog mchod pa'i sprin/ /kun bzang rnam par thar de ngal gsor gyur/ /mtha' klas rgyud sde rgya mtsho'i bang mdzod sgo/ /rnam dpyod yangs pa'i lde mig 'phrul po ches/ /'byed la phur bu'i blor 'gran zha lu pas/ /bzhed pa'i re bkang yongs 'duu sa brtol bzhin/ /tshogs bshad gcan gzan dregs pa'i ngar skad ltar/ /rab gnon slob bu mchog la gdams bya'i 'khrid/ /'jigs med seng ge'i nga ro sgrog pa'i khrir/ /phyogs bcu'i rgyal bas dbang bskur legs so byin/ /ngag gi dbang phyug dbyangs can ngang mo dkar/ /rab 'byams mkhyen pa'i thugs mtshor rtag rol bas/ /chos phung mgrin pa'i dril chung sgrog pa'i glu/ /len pa'i grags snyan srid pa'i rtse las brgal/ /mtha' yas 'gro khams dang 'tsham thub gsung don/ /'chad mkhas gtam gyi sbyor ba lag pa'i rjes/ /gtsug lag bye ba'i rtsig par legs bzhag pa'i/ /ri mo mig gsum pas kyang dbye nus min/ /rin chen sgang pa'i gdung brgyud rim byon gyi/ /rang bstan sa chen gyen du rab bteg pa'i/ /snying stobs khyab 'jug khengs 'phrog yongs 'dzin 'dis/ /yab rje bla ma'i bzhed pa ci yang bkang / /