[A:༡༡]བའི་གཉེན། །འཇམ་མགོན་བླ་མའི་སྐུ་ཞང་ས་སྤྱོད་ལྕམ། །སྨིན་ལེགས་རྩེ་དགའི་ཆོ་ག་རྫོགས་པ་ལས། །རྒྱལ་སྲས་གཞོན་ནུའི་ཟླ་བ་གསར་དུ་ཚེས། །དེ་ཡང་མངལ་དུ་ཞུགས་པའི་ཚེ་ཡུམ་གྱི་མནལ་ལམ་དུ་མཆོད་རྟེན་ལ་སྐོར་བ་མཛད་པ་དང་དངོས་སུའང་སྡོར་དཀར་ལ་བརྟེན་ན་ཟོ་མདོག་བཟང་ཞིང་དམར་སྐྱུར་ཤོར་ན་མི་བདེ་བ་བྱུང་འདུག་པ་བཞིན་དགུང་ལོ་བཅུ་བདུན་བར་ཡབ་ཡུམ་གྱིས་སྐུ་སྐྱེད་བསྲིང་ཕྱིར་ཤ་ཕྲན་བུ་དབང་མེད་ཀྱིས་བཞེས་སུ་བཅུག་ན་མ་གཏོགས་དམར་གྱི་རིས་ལ་མི་དགྱེས་པ་ཡོད་པར་སྣང༌། སྐུ་ཚེ་སྔོན་མ་རྣམས་ནས་གླགས་ལྟ་བའི་འབྱུང་པོ་གདུག་པ་ཅན་ཞིག་གིས་ཡུམ་སྲས་གཉིས་ཀ་གཤེགས་པར་ཉེ་བའི་ཟུག་རྔུ་དྲག་པོས་གཙེས་པའི་ཚེ་གྲུ་རྡོ་རྗེ་སེང་གེ་ལ་སོགས་པ་རིག་སྔགས་གྲུབ་པའི་བརྟུལ་ཞུགས་ཅན་རིམ་པར་བྱོན་པའི་ཆོས་རྗེ་དགོན་ནུབ་པ་གྲུ་རིག་པ་འཛིན་པ་དགེ་བསྙེན་གྱིས་བགེགས་སྐྲོད་བྱིན་རླབས་རྟེན་འབྲེལ་དུ་མ་མཛད་པས་ཕན་ངོ་ཙམ་ལས་གཞི་མེད་དུ་མ་གྱུར་ནའང་རིགས་བརྒྱའི་བདག་པོ་དབང་ཕྱུག་རབ་བརྟན་ཉེ་སྐོར་དུ་ཕེབས་པ་དང་འགྲིག་པའི་སྐྱེར་སྒང་ལུགས་ཀྱི་རྟ་མགྲིན་གསང་སྒྲུབ་ཀྱི་དབང་བཞི་བྱིན་རླབས་ཀྱི་ཚུལ་དུ་བསྩལ། དབུ་སྐྲ་བུབས་ཀྱི་བསྲུང་བ་དང་རྡོ་རྗེའི་ར་བའི་འཁོར་ཡུག་ཆེན་པོའི་ནང་དུ་ཆུད་པར་མཛད་པས་བདུད་རིགས་ཀྱིས་བརླང་པོར་སྤྱོད་པའི་ནུས་པ་མཐའ་དག་ཉི་ཟེར་གྱིས་བ་མོ་ལ་རེག་པ་བཞིན་སྐུ་ཚེའི་བར་ཆད་ཀྱི་གཡུལ་ལས་རྣམ་པར་རྒྱལ་བར་བརྟེན། བགེགས་དབང་དུ་མ་སོང་བར་ད་ལྟའི་བར་འཚོ་བ་འདི་བླ་མ་དམ་པ་དེ་ཉིད་ཀྱི་བཀའ་དྲིན་ཡིན་ཞེས་ཐུགས་བཟོ་བའི་གསུང་བགྲོས་ཡང་ཡང་གནང༌། འོན་